बाल्यकालमा तपाईको सपना के थियो ? के अहिले याद गर्न सक्नु हुन्छ ? हामी सानौ हुँदा ठूला ठूला सपना देख्यौ । कतिले पुरा गर्यौं कतिपय पुरा गर्न पाईला अगाडी बढाइरहेका छौं भने कतिपयले बल्ल सपना देख्दैछौं । कुनै बिद्यार्थीलाई तपाई के बन्न चाहनुहुन्छ भनेर सोध्यो भने, उनीहरुले सहजै उत्तर दिन्छन् , म डाक्टर बन्न चाहन्छु । म इन्जिनियर बन्न चाहन्छु ।
यहि सन्दर्भमा कुरा गर्दा २०१७ अगाडीको एउटा घटनाको याद आयो । नासाले केही पदको लागि विज्ञापन प्रकाशित गरेको थियो । जागिरको लागि आएको निवेदनहरु केलाउँदा जाँदा उनीहरु चकित भए किनभने त्यहाँ ९ वर्षीय बालकले लेखेको एउटा पत्र थियो । ज्याक डेभिस नाम गरेका बालकले लेखेको चिठ्ठीमा उनी नासामा जागिर खान चाहेको कुरा लेखेका थिए । ग्रह संरक्षण अधिकृतको लागि ९ वर्षको बालकले पठाएको चिठ्ठी पढेपछि त्यहाँ कार्यरत अधिकारीहरु चकित भएका थिए ।
उनले लेखेको पत्रमा आफु ९ वर्षको भए पनि यो काम गर्न सक्ने बताएका थिए । उनले लेखेका छन् । “म यो कामको लागि उत्कृष्ठ छु किनभने मेरो दिदीले मलाई सधै एलियन भनेर बोलाउँछे । म सधै एलियनको फिल्महरु हेर्छु र गेम पनि खेल्छु अनि म बच्चा भएकोले उनीहरुको भाषा पनि बुझ्छु”
हेरौं चिठ्ठी
उक्त्त चिठ्ठी पठेपछि नासाका ग्रह बिज्ञान विभागका निर्देशक डा जेम्स एल ग्रीनले ट्वीटरमा लेखे, यो पृथ्वीलाई सानो जीवाणुहरुबाट जोगाउने कुरा हो । जब हामी मंग्रल ग्रह,चन्द्रमा र एस्टेरोइड्सबाट जीवाणुहरु फिर्ता ल्याउँछौं । हामी हाम्रो उत्तरदायित्व पुरा गर्न लागिपरेका छौं । त्यसको लागि तिमी अझै सानो छौं । तिमीले अझै धेरै मेहिनत गर्नुपर्छ ।
त्यसपछि नासाका डाइरेक्टर जोनथान रलले उनलाई पढ्न अझ बढी मेहिनत गर्न र ठूलो भएर नासासँग आबद्ध हुनलाई प्रोत्साहन गरिरहे ।
THEYOUTH.IN को सहयोगमा
