बैतडीमा एक सुत्केरी महिला सहित ७ जनामा कोरोना पुष्टि भएको छ ।
बैतडीको पाटन नगरपालिकाका ६ जना र पुर्चौंडी नगरपालिकाका एक जनामा कोरोना पुष्टी भएको हो । यस्तै पाटन नगरपालिकाका ५ जना पुरुष र एक जना सुत्केरी महिलामा कोरोना पुष्टी भएको हो भने बला-त्कार आरोपमा जे ल सजाय भोगिरहेका पुर्चौंडी नगरपालिका १० का ३२ वर्षीय पुरुषमा कोरोना पुष्टी भएको हो । संक्रमित सबैको स्वास्थ्य अवस्था भने समान्य रहेको जनाइएको छ ।
यससँगै बैतडीमा कोरोना संक्रमितको संख्या ३ सय ७ पुगेको छ । संक्रमितमध्ये २ सय ९७ जना घर फर्किसकेका छन् भने १० जना क्वारेन्टाइन तथा आइसोलेसनमा बसेका छन् ।
र यो पनि
उपचारमा खटिएका चार जना नर्समा कोरोना संक्रमण पृष्टि
विराटनगरको विराट नर्सिङ होम एवं विराटनगर अस्पतालमा कार्यरत चार जना महिला स्वास्थ्यकर्मीमा कोरोना संक्रमण पुष्टि भएको छ ।
योसँगै नर्सिङ होममा आवद्ध रहेर संक्रमित हुनेको संख्या पाँच पुगेको छ । ६५ वर्षीय बरिष्ठ चिकित्सकमा गत मंगलबार कोरोना संक्रमण देखिएपछि अस्पतालमा कार्यरत अरु कर्मचारी र स्वास्थ्यकर्मीको पनि पीसीआर परीक्षण गरिएको थियो ।
स्वाब संकलन गरेर परीक्षण गरिएका ५८ जना मध्ये चार जनाको रिपोर्ट पोजेटिभ आएको हो । ५४ जनाको रिपोर्ट नेगेटिभ आएको विराटनगर महानगरपालिका जनस्वास्थ्य महाशाखा प्रमुख रमेश कार्कीले बताए ।
पोजेटिभ रिपोर्ट आएकाहरु क्रमशः २१, ३०, ३१ र ५६ वर्षीया स्टाफ नर्स रहेका छन् ।
