सरकारले लकडाउन अन्त्य गरेसँगै दैलेखमा फेरि ठूलो संख्यामा कोरोना भाइरस संक्रमित फेला पर्न थालेका छन् । कर्णाली प्रदेशको सबैभन्दा बढी संक्रमित भएको दैलेखमा पछिल्लो पाँच दिनयता मात्रै ७४ जना नयाँ संक्रमितहरु भेटिएका छन् ।
दैलेख अस्पतालको प्रयोगशालामा ६२ जनाको स्वाब परीक्षण गरिएकोमा आइतबार २३ जनामा कोरोना संक्रमण पुष्टि भएको अस्पतालका कोरोना फोकल पर्सन थिरप्रसाद रेग्मीले जानकारी दिएका छन् ।
आइतबार नारायण नगरपालिकाका मात्रै २३ जनामा संक्रमण देखिएको छ । जसमा १३ जना महिला र १० जना पुरुष रहेका छन ।
संक्रमितमध्ये ७ जना सरकारी कर्मचारी र एक जना स्वास्थ्यकर्मी रहेको नगरपालिकाका सूचना अधिकारी प्रकाश विसीले जनाकारी दिए ।
एक जना संक्रमित भने दुल्लु नगरपालिका निवासी महिला हुन् । प्रदेश स्वास्थ्य सेवा महाशाखाका अनुसार गत ७ गतेदेखि १० गतेसम्म प्रदेशमा ८९ जनामा संक्रमण देखिँदा दैलेखका मात्रै ५० जना छन् ।
र यो पनि पढ्नुहोस् :
२४ घण्टामा १ सय ३० जनामा कोरोनाभाइरस संक्रमण पुष्टि
