एजेन्सी । भारतमा कोरोनाले महामारीको रुप लिएको छ । कोरोना महामारीले नियन्त्रण गुमाएका बेला सेलिब्रेटीहरुले शर्तकता अपनाउँदै घर बाहिर निस्किन छाडेका छन् ।
भारतीय सुपरस्टार अमिताभ बच्चन, अभिषेक बच्चन, ऐश्वर्या राय बच्चन र आराध्या बच्चन पनि कोरोनाद्वारा संक्रमित भएर अस्पतालमा उपचार गराइरसहेका बेला अन्य सेलिब्रिटीहरुले विशेष सावधानी अपनाइरहेका छन् ।
यस्तै बेलामा नायक शाहरुख खानले आफ्नो ५ तले बंगला मन्नतलाई चारैतिर प्लाष्टिकले छोपे पछि पुरै बलिउडकर्मी चकित भएका छन् । शाहरुख मन्नतमा आफ्ना ३ सन्तान र पत्नि गौरी सहित घरबाट बाहिर नै ननिस्कि बसिरहेका छन् ।
खासमा शाहरुखले कोरोनाको डरले नभई वर्षाका कारण आफ्नो पूरा घरलाई प्लाष्टिकले ढाकेको भारतीय मिडियाले जनाएको छ ।
निरन्तरको वर्षाका कारण घरमा पानीले कुनै कुनै असर गर्ने भन्दै शाहरुखले वर्षातको समयमा आफ्नो घरलाई प्लाष्टिकले ढाकेको समाचारमा जनाइएको छ ।
