कोरोनाको बहाना बनाई पत्रकारहरुलाई बिना पारिश्रमिक सेवाबाट निकालेको, बेतलवी बिदा बस्न बाध्य पारेको भन्दै पत्रकारहरुले कान्तिपुर पव्लिकेशनलाई पैसा बुझाएका छन् ।
बानेश्वरको बिभिन्न पसलहरुबाट रु २ रुपैंया उठाएर कान्तिपुर पव्लिकेशनको प्रशासकीय प्रमुख शुसिल रावललाई हस्तानतरण गरेका हुन् ।
आज १० : ३० बजे श्रमजीवी पत्रकारको पक्षमा प्रदर्शन गरेर कान्तिपुर पव्लिकेशनमा गएर धर्ना दिएको पत्रकार महासंघको केन्द्रिय सदस्य जन्मदेब जैशीले केटीएम दैनिकलाई बताए ।
प्रेस संगठन नेपाल, काठमाडौंका संयोजक सागर पन्तले पत्रकारहरुलाई कान्तिपुर जस्तो बिग हाउसले पारिश्रमीक नदिएको र बेतलवी बिदा बस्न बाध्य पारेको भन्दै साङ्केतिक रुपमा बिरोध गरिएको बताए ।
२७ बर्षदेखि निरन्तर मुनाफा कमाएको कान्तिपुरले कोरोना संकटको मौका पारेर अमानवीय तरिकाले निकालिएका पत्रकार तथा श्रमजीवीहरुको पुर्नबहाली गर्नुपर्ने विभिन्न संगठनहरुको माग रहेको छ । उनीहरुले कोरोना महामारीको मौका छोपी पत्रकारहरु तथा श्रमजीवीहलाई अपमानजनक तरिकाले निलम्बन गरेको, लकडाउन अवधिको पत्रकार तथा श्रमजीवीहरुलाई तलब नदिएको र न्युततम पारिश्रमिक लागु नगरेको भन्दै देशको सबभन्दा ठूलो मिडिया भन्दै चिनाउने कान्तिपुरको कार्यालयमा धर्ना बसेका हुन् ।
कान्तिपुरले पव्लिकेशनले प्रकाशन गर्दै आइरहेका साप्ताहिक, नेपाल र नारी बन्द गरेसँगै ती पत्रिकामा कार्यरत ५० भन्दा बढी पत्रकारहरु बेरोजगार बनेका छन् ।
हेरौं केहि तस्विरहरु
सबै तस्बिर : रामहरि पौडेल