कोरोनाभाइरसबाट संक्रमित बनेकी अभिनेत्री ऐश्वर्या रायलाई अचानक अस्पताल भर्ना गरिएको छ ।
स्वास्थ्य निगरानीसहित होम आइसोलेसनमै बसिरहेकी ऐश्वर्यालाई शुक्रबार साँझ मुम्बइस्थित ‘नानावती हस्पिटल’ लगिएको हो ।
बच्चन परिवारका ४ जनामा कोरोना पोजेटिभ देखिएको थियो ।
पोजेटिभ देखिएपछि बाबु अमिताभ बच्चन र छोरा अभिषेक बच्चनलाई गत असार २७ गते शनिबार राति मुम्बईको नानावती अस्पताल भर्ना भएका थिए भने भोलीपल्ट अर्थात असार २८ गते पोजेटिभ देखिएका ऐश्वर्या र उनकी ८ वर्षिया छोरी आरध्या भने मुम्बईको जाल्सास्थित निवासमै आइसोलेसनमा बसेकी थिइन् ।
अमिताभकी पत्नी जया बच्चनको पनि परीक्षण गरिएको थियो । उनको रिपोर्ट भने नेगेटिभ आएको छ ।
यही हप्ताको सुरुमै अभिषेकले ट्वीट गर्दै ऐश्यर्वा र छोरीलाई पनि कोरोना संक्रमण भएको जानकारी दिएका थिए । अमिताभले भने अस्पतालबाटै सोसल मिडिया मार्फत् आफ्नो सुस्वास्थ्य कामना गरेकोमा प्रशंसक र शुभचिन्तकलाई धन्यवाद दिए ।
बच्चन परिवारका ४ जनामा कोरोना संक्रमण देखिएपछि नेपालका प्रधानमन्त्री केपी शर्मा ओलीले शीघ्र स्वास्थ्य लाभको कामना गरेका थिए ।