बलिउड अभिनेता अमिताभ बच्चनलाई केही दिनअघि कोरोना भाइरस संक्रमण पुष्टि भएको थियो ।
उनीसँगै उनका छोरा अभिशेक बच्चन, बुहारी एश्वर्या बच्चन र नातिनी आराध्या बच्चनलाई कोरोना संक्रमण भएको थियो ।
उनी तथा उनको परिवार अहिले अस्पतालमा भर्ना भएर उपचार गराइरहेका छन् ।
उनले आफ्ना शुभचिन्तकहरूलाई फोटो शेयरिङ साइट इन्स्टाग्राममा आफ्नो स्वास्थ्य अवस्थाका बारेमा अपडेट दिने गरेका छन् ।
पछिल्लो पटक गरिएको पोस्टमा अमिताभले ६ प्रकारका व्यक्तिबाट टाढै रहन सुझाएका छन् ।
‘सबैसँग ईर्ष्या गर्ने व्यक्ति, घृणा गर्ने व्यक्ति, असन्तोषी, क्रोधी, सधैँ शंका गर्ने व्यक्ति र अरूको भरमा जिउने व्यक्ति सधैँ दु:खी रहन्छन् ।
अतः यस्ता प्रवृत्तिबाट सबै जना बच्नुपर्छ,’ अमिताभ भनेका छन् ।
यसअघि उनले आफ्ना स्वास्थ्य लाभको कामना गर्नै सबै शुभचिन्तकहरूलाई धन्यवाद दिएका थिए ।
उनीहरू सबैको अहिले अस्पतालमा उपचार भइरहेको भारतीय सञ्चारमाध्यमले जनाएका छन् ।
अमिताभ र अन्य सदस्यहरूलाई कोरोना देखिएपछि उनीहरूका ४ वटै घर सिल गरिएको छ । भारतीय सञ्चारमाध्यमका अनुसार अभिताभको घरमा काम गर्ने २६ जना कर्मचारीको पनि कोरोना परीक्षण गरिएको थियो । उनीहरू सबैको नतिजा नेगेटिभ आएको सञ्चारमाध्यमहरूले जनाएका छन् ।
महानायक अमिताभकाे स्वस्थ्य लाभकाे कामना गर्दै पढिएको महामृत्युंजय पाठ किन गरिन्छ ?
अमिताभको स्वास्थ्य लाभ कामना गर्दै विशेष पूजा
https://www.instagram.com/p/CCrNhkPhKVB/?utm_source=ig_embed