आफैंले पोर्न वेबसाइट बनाएर एक युवतीको अश्लिल भिडियो अपलोड गरेको आरोपमा एक व्यक्ति पक्राउ परेका छन् ।
साइबर ब्युरोले चितवनकी एक १७ वर्षिया युवतीको अश्लिल भिडियो गरेको आरोपमा गोगंबुका २३ वर्षीय सुरज श्रेष्ठलाई काठमाडौंबाट पक्राउ गरेको हो ।
श्रेष्ठ ले ‘ब्लुसंसार डट कम’ नामको पोर्न बेवसाइट बनाएको ब्युरोले जनाएको छ। उनले उक्त बेवसाइटमा चितवनकी १७ वर्षीया किशोरीको अश्लिल भिडियो अपलोड गरेका थिए।
किशोरीले अश्लिल भिडिओ बनाई पोर्न साइटमा राखेको भन्दै ब्युरोमा उजुरी दिएकी थिइन्। त्यसपछि प्रहरीले उनको खोजी गरी काठमाडौंबाट पक्राउ गरेको हो। श्रेष्ठलाई विद्युतीय कारोबार ऐन, २०६३ को परिच्छेद-९ मा उल्लिखित कसूर बमोजिम पक्राउ गरिएको हो।
उनलाई ब्युरोले पक्राउ गरी थप अनुसन्धान गर्न महानगरीय प्रहरी वृत्त,दरबारमार्ग पठाइएको छ। उनीमाथि थप अनुसन्धान गर्न काठमाडौं जिल्ला अदालतले सात दिनको म्याद समेत थपिसकेको छ।
र यो पनि पढ्नुहोस् :
बागबजारको एक गेष्ट हाउसमा यौ-न भिडियो खिच्ने २ जना पक्राउ
कानुनमा के छ ।
विद्युतीय कारोबार ऐन, २०६३ को धारा ४७ र ४८ मा यसबारे स्पष्ट व्याख्या गरिएको छ । जसअनुसार कुनै पनि व्यक्तिको गोपनियता भंग गरेमा एक लाख रुपैँयासम्म जरिवाना वा दुई वर्ष कैद वा दुवै सजाइ हुने व्यवस्था छ ।
