नेपाल सरकारले भारतीय मिडियाबाट प्रकाशित प्रसारित सामाग्रीप्रति आपत्ति जनाउँदै कूटनीतिक नोट पठाएको छ।
सरकारले भारतीय न्युज च्यानलहरुले नेपाल सम्बन्धमा भ्रामक,आपत्तिजनक र काल्पनिक धारावाहिक शैलीका प्रोपोगन्डा मच्चाएर दुई देशबीचको सम्बन्धमा नकारात्मक असर पार्न खोजेपछि सरकारले भारत सरकारमार्फत गम्भीर आपत्ति सहितको कुटनीतिक नोट पठाएको हो ।
परराष्ट्र मन्त्रालयले दिल्लीस्थि दूतावासमार्फत नोट भारतीय परराष्ट्र मन्त्रालयलाई नोट पठाउन केही दिन अघि नै निर्देशन दिएको स्रोतको दाबी छ।
परराष्ट्र मन्त्रालय स्रोतका अनुसार दिल्ली दूतावासले बिहीबार नै भारतीय परराष्ट्र मन्त्रालयमा नोट बुझाएको हो।
पछिल्लो समय नक्सा प्रकरणले नेपाल भारतको सम्बन्धमा दरार आएसँगै भारतीय सञ्चार माध्यमले आपत्ति जनक समाचार मुलक सामाग्री प्रकाशन प्रशारण गरिरहेका छन्।
नोटमा भारतीय सञ्चारमाध्यमका आधारहीन, बनावटी, गलत र असंवेदनशील सामग्री प्रसारण गरेको हुँदा त्यसले नेपाली जनता र नेपालको नेतृत्वको भावनामा चोट पु¥याएको उल्लेख छ।
न्यूनतम पेशागत मर्यादा र नेपाल तथा नेपालीको अपमान गर्ने सामाग्रीका कारण दुई देशबीचको परम्परागत घनिष्ट सम्बन्धलाई असर गरेको उल्लेख छ।
नेपालले अद्यावधिक नक्सा जारी गरेदेखि नै भारतीय सञ्चारमाध्यमहरुले आपत्तिजनक सामग्री प्रकाशन र प्रसारण गर्दै आएका छन् । भारतीय टिभी च्यानल जी न्यूजले प्रधानमन्त्री केपी शर्मा र चिनियाँ राजदूतलाई जोडेर आपत्तिजनक सामग्री प्रकाशित गरेपछि भारतीय मिडियाको चौतर्फी विरोध हुँदै आएको छ ।
सोही सामग्रीलाई लिएर प्रेस काउन्सिल र नेपाल पत्रकार महासंघले पनि कडा आपत्ति जनाएको छ । भारतीय मिडियाले पत्रकार आचारसंहिता विपरित सामग्री प्रशारण गरेपछि केही केबल अपरेटरहरुको बैठकले स्वतस्फूर्त रुपमा भारतीय न्यूज च्यानल बन्द गर्ने घोषणा गरेको बताइएको छ ।
र यो पनि पढ्नुहोस् : सरकारले भारतीय न्युज च्यानलमाथि लगाइएको प्रतिबन्ध तत्कालै नखोल्ने