साथीहरू, तपाईंले कछुवा र खरायोको पुरानो कथा त अवश्य सुन्नुभएको होला, केवल तपाईंलाई सम्झाउनको लागि (just to remind you)म यहाँ संक्षेपमा बताउँदैछु:
एक पटक खरायो लाई आफ्नो गतिमा घमण्ड भयो र उसले जसलाई भेटे पनि दौडको लागी चुनौती दिने गर्थ्यो ।
कछुवाले उसको चुनौती स्वीकार्यो । दौड भयो । खरायो छिटो दगुर्यो, धेरै टाढा पुगी सके पछाडि फर्केर हेर्छ कछुवा कतै पनि देखिएन ।
उसले आफ्नो मनमा सोच्यो कि कछुवालाई यहाँसम्म पुग्न धेरै समय लाग्छ, त्यतिबेला सम्म म अलि आराम गर्छु, र उ एउटा रूखको मुनि पल्टिन्छ । पल्टिए पछि ऊ कहिले सुति हालेछ थाहा नै पाएन ।
उता कछुवा बिस्तारै तर स्थिररूपमा (slow and steady) हिड्दै रह्यो । धेरै समय पछि खरायो निद्रा बाट बिउझ्यो, हेर्छ त कछुवा अन्तिम रेखा (Finishing Line)मा पुग्न लागेको थियो । खरायो छिटो दगुर्छ, तर त्यतिखेर ढिलो भई सकेको थियो र कछुवाले दौड जित्छ ।
Moral of the story: बिस्तारै र स्थिर हिड़नेले दौड जित्छ (Slow and steady wins the race)
यो कथा त हामी सबैलाई थाहा छ, अब अगाड़ीको कथा हेरौं:
दौड गुमाइसकेपछि खरायो निराश हुन्छ, ऊ आफ्नो पराजयमा चिन्तन गर्छ र उसले महसुस गर्छ कि ऊ अति विश्वस्त (over-confident) भएकोले दौड हारेको हो, उसलाई आफ्नो गन्तव्यमा पुगेपछि मात्र रोकिनु पर्ने थियो । अर्को दिन उसले फेरि कछुवालाई दौडमा चुनौती दियो । कछुवा पहिलो दौड जितेको हुनाले आत्मविश्वासले भरिएको थियो त्यसैले खरायोको चुनौतीलाई तुरुन्त स्वीकार गर्छ । फेरी दौड हुन्छ, यस पटक खरायो आफुलाई कहीं नरोकी गंतव्यमा पुग्छ, र कछुवालाई ठूलो अन्तरले हराउँछ ।
Moral of the story: छिटो र निरन्तर हिड़नेले जहिले पनि ढिलो र स्थिर हिड़ने वाला माथि विजय पाऊँछ (Fast and consistent will always beat the slow and steady)
अर्थात्, ढिलो र स्थिर हुनु राम्रो छ तर छिटो र निरन्तर हुनु अझ राम्रो हो । उदाहरण को लागी, यदि कुनै कार्यालय मा यि दुई प्रकारका व्यक्तिहरु (Fast and Consistent) छन् भने, तिनीहरु चाँडै अघि बढ्छन् ।
यस पटक कछुवाले सोच विचार गर्न थाल्यो कि यसै प्रकारले दौड़ हुने हो भने त म कहिले पनि जित्न सक्दैन ।
अब चुनौती दिने पालो कछुवाको थियो । उसले खरायोलाई नयाँ दौडमा चुनौती दिन्छ, तर ऊ दौडको मार्ग आफ्नो अनुसार राख्न आग्रह गर्दछ । खरायो तयार हुन्छ ।
दौड सुरु हुन्छ । खरायो चाँडो निश्चित स्थान तिर दौडन्छ, तर बाटोमा एक तीव्र नदी बगिरहेको छ, खरायोले त्यहाँ रोकिनु पर्ने बाध्यता भयो । कछुवा बिस्तारै त्यहाँ सर्दै पुग्छ, आरामसँग नदी पार गर्छ र लक्ष्यमा पुग्छ र दौड जित्छ ।
Moral of the story: पहिले आफ्नो सामर्थ्यहरू (strengths) थाहा पाउनुहोस् र तदनुसार काम गर्नुहोस्, तपाइँ विजय पाउनुहुनेछ (Know your core competencies and work accordingly to succeed)
उदाहरणका लागि: यदि तपाईं एक राम्रो वक्ता हुनुहुन्छ भने तपाईंले अगाडि बढेर त्यस्ता अवसरहरू लिनुपर्दछ जहाँ सार्वजनिक भाषण (public speaking )को लागि मौक़ा पाइन्छ । यसो गरेमा तपाईं आफ्नो संगठनमा छिटो अगाडी बढ्न सक्नुहुन्छ।
यति धेरै दौड गरिसकेपछि, अब कछुवा र खरायो राम्रा साथी भई सकेका थिए र एक अर्काको शक्ति र कमजोरीहरू बुझ्न थाली सकेका थिए । दुबैले सँगै मिलेर विचार गरे कि यदि हामी एक अर्कालाई समर्थन गर्छौं भने, हामीले कुनै पनि दौड सजीलै जित्न सक्छौं । त्यसैले दुबै मिलेर अन्तिम दौड एकसाथ फेरि दौडने निर्णय गरे, तर यस पटक एक प्रतिस्पर्धीको (as a competitor) रूपमा होइन टीमको (as a team) रूपमा काम गर्ने निर्णय गरे ।
दुबै सुरुको लाइन (starting line) मा उभिए … get set go र तुरुन्तै खरायोले कछुवालाई उठायो र छिटो दगुर्न थाल्यो । दुबै नदीको किनारमा पुगे । अब कछुवाको पालो थियो, कछुवाले खरायोलाई आफ्नो पछाडि बस्न लगायो र दुबै आरामले नदी पार गरे । नदी पार गरी सके पछि फेरि खरायोले कछुवालाई उठाएर अन्तिम रेखा (finishing line) तिर दौडे र सँगै तिनीहरूले रेकर्ड समय मा दौड पूरा गरे । दुबै धेरै खुसी र सन्तुष्ट थिए, आज भन्दा अघि कुनै पनि दौड़ जितेर उनीहरूले यति खुशी महसूस गरेका थिएनन् ।
Moral of the story: टीम वर्क सधैं व्यक्तिगत प्रदर्शनको तुलनामा राम्रो हुन्छ (Team Work is always better than individual performance)
व्यक्तिगत (Individually) रूपमा तपाइँ जति ठूलो प्रदर्शनकर्ता (performer) भए पनि, तपाइँ आफैले प्रत्येक खेल जित्न सक्नुहुन्न ।
यदि तपाईं लगातार जित्न चाहनुहुन्छ भने टीममा काम गर्न तपाईंले सिक्नुपर्दछ, तपाईंको क्षमताको बाहेक तपाईंले अरूको शक्तिको बारेमा पनि बुझ्नुपर्दछ र स्थिति अनुसार टीमको सामर्थ्यलाई प्रयोग गर्नु पर्छ।
यहाँ ध्यान दिनु पर्ने एउटा अर्को कुरा पनि छ । खरायो र कछुवा दुवैले आफ्नो पराजय पछि निराश बसेनन्, बरु तिनीहरूले परिस्थिति बुझ्ने प्रयास गरे र आफूलाई नयाँ चुनौतीको लागि तयार गरे ।
जहाँ खरायोले आफ्नो पराजय पछि कडा परिश्रम गर्यो, कछुवाले आफ्नो पराजयलाई विजयमा रूपान्तरण गर्ने रणनीति (strategy) परिवर्तन गर्यो।
जब तपाईं असफल हुनुहुन्छ, या त कडा परिश्रम गर्नुहोस् वा आफ्नो रणनीति परिवर्तन गर्नुहोस् वा दुबै गर्नुहोस्, तर हारलाई अन्तिम मानेर हारसँग कहिल्यै निराश नहुनुहोस् …
ठूलो भन्दा ठूलो पराजय पछि पनि विजय हासिल गर्न सकिन्छ !