सप्तकोशी नदीमा पानीको बहावले खतराको स्तर पार गरेको छ ।
हिजोदेखि नै कोशीमा पानीको बहाव उच्च भएको हो । आज पानीको बहाव २ लाख ७४ हजार ३ सय ६५ क्युसेक प्रति सेकेन्ड मापन गरिएका छ ।
शुक्रबार भने पानीको बहाब २ लाख ५४ हजार ६ सय १५ क्युसेक प्रति सेकेन्ड थियोे । पानीको बहाब बढदै गएपछि कोशीका ५६ मध्ये ४० ढोका खोलिएको छ । पानीको वहाब सतर्कता रेखा पार गरेपछि कोशी तटिय क्षेत्रमा सुरक्षा सतर्कता बढाइएको छ ।
सप्तकोसीमा पानीको बहाव बढेसँगै कोसी ब्यारेजभन्दा दक्षिण १९ किलोमिटरसम्म नेपालतर्फ रहेको पश्चिमी तटबन्धमाथि पानीको दवाब बढेको छ ।
५ वर्षअघि भारतीय कोसी योजनाले कोसीको मध्य भागमा पाइलट च्यानल खनेर पानीको बहावलाई पश्चि तर्फ फर्काइएपछि सुरक्षित रहँदै आएको सप्तकोसीको पश्चिमी तटबन्धमाथि दबाब बढदै गएको हो ।
कोशीमा पानीको बहाव बढदै गएपछि हनुमाननगर कंकालिनी नगरपालिकाका विभिन्न भागमा जोखिम बढेको छ । यसैगरी कोसीको पश्चिमी तटबन्ध नजिक रहेको तिलाठी कोइलाडी गाउँको एउटा वडाका बासिन्दा पनि जोखिममा परेका छन ।