ब्राजिलका राष्ट्रपति जैर बोलसोनारोलाई कोरोना भाइरस संक्रमण भएको छ।
उनलाई उच्च ज्वरो र कोरानाका अन्य लक्षण देखिएपछि गरिएको परीक्षणमा कोरोना पोजेटिभ देखिएको ‘द गार्डियन’ ले जनाएको छ।
बोलसोनारो कोरोनाको जोखिमप्रति बेवास्ता गर्दै आएका थिए।
उनले कोरोनालाई ‘सामान्य फ्लू’ भन्दै लकडाउनको विरोध पनि गरेका थिए।
लकडाउनले देशको अर्थतन्त्रमा गम्भीर असर पर्ने भन्दै उनले प्रान्तीय गभर्नरहरूलाई लकडाउन खुकुलो पार्न अपील गरेका थिए।
गार्डियनका अनुसार पहिले उनी मास्क नलगाई सार्वजनिक कार्यक्रममा सहभागी हुन्थे।
केही दिनअघि ब्राजिलका विदेशमन्त्रीले सामाजिक सञ्जालमा राखेको एक फोटामा राष्ट्रपति बोलसोनारो र अरू नेता बिना मास्क देखिएका थिए।
उनलाई कोरोना संक्रमण भएपछि नेपालमा ठूलै तहल्का मच्चिएको छ ।
कोरोनालाई सामन्य फ्लू ठानेर मानिसहरु मास्क बिना भिडभाडमा हिडिरहेका छन् ।
प्रधानमन्त्री केपी शर्मा ओलीले कोरोनाको बारेमा बोलेका कुराहरु भाइरल भएका थिए ।
उनले कोरोना हाच्यू गर्दा निको हुन्छ र बेसार पानीले च्वाट्टै हुन्छ भनेर भाषण गरेपछि उनलाई ब्राजिलका राष्ट्रपतिसँग तुलना गरिएको थियो ।
यही सन्दर्भलाई लिएर कांग्रेस नेता गगन कुमार थापाले हाम्रा प्रधानमन्त्रीले थाहा पाएकी पाएनन् भन्दै प्रश्न समेत गरेका छन्।
‘ब्राजिलका राष्ट्रपति कोरोनाका विषयमा उटपट्याङ बोल्थे।आफू स्वास्थ्य सावधानी नअपनाउने उल्टै स्वस्थ्य व्यक्तिलाई केही हुन्न भन्ने र अप्रमाणित उपचार विधि सुझाउँथे।अहिले आफै संक्रमित भएछन्।’ ट्विटरमा नेता थापाले लेखेकाछन्, ‘जिम्मेवारीमा बसेर उटपट्याङ काम कुरा गर्ने हाम्रा तिरकाले यो थाह पाए कि पाएनन् होला?’
ब्राजिलका राष्ट्रपति कोरोनाका विषयमा उटपट्याङ बोल्थे।आफू स्वास्थ्य सावधानी नअपनाउने उल्टै स्वस्थ्य व्यक्तिलाई केही हुन्न भन्ने र अप्रमाणित उपचार विधि सुझाउँथे।अहिले आफै संक्रमित भएछन्।
जिम्मेवारीमा बसेर उटपट्याङ काम कुरा गर्ने हाम्रा तिरकाले यो थाह पाए कि पाएनन् होला??
— Gagan Thapa (@thapagk) July 8, 2020