केही महिनाअगाडी केपी शर्मा ओलीले संसद्मा बेसार पानीले कोरोना निको पार्ने बताएपछि जताततै बेसारको चर्चा परिचर्चा छ । आज हामी नियमित रूपमा बेसार पानी खाँदाको फाइदाहरू तपाईँहरूलाई बताउन गइरहेका छौँ । अन्तिम सम्म यो जानकारी पढेर ज्ञान लिनुहुन अनुरोध छ ।
प्रायजसो व्यक्तिले बिहान उठ्ने बित्तिकै मन तातो पानी पिउने गर्छन् । कसैले मन तातो पानीमा मह वा कागती मिसाएर पिउने गर्छन् भने कसैले नुन राखेर पिउने गरेका हुन्छन् । तर बिहान उठ्ने बित्तिकै खाली पेटमा मन तातो पिउनु स्वास्थ्यका लागि फाइदा नै हुन्छ। तर कमै मात्र व्यक्तिले मनतातो पानीमा बेसार राखेर पिउने गर्छन् । खासमा बेसारको फाइदाबारे जानकारी नहुँदा बेसार पानी नपिएको हुनसक्छ । बेसार एउटा यस्तो खान्की हो जसले खानालाई स्वादिलो मात्र बनाउँदैन जस्तोसुकै परिकारलाई पनि पहेँलो रङमा बदलिदिन्छ ।
हामीले परिकारसँग खाएको बेसारले पनि निकै फाइदा पुर्याइरहेको हुन्छ । यसमा रोगसँग लड्ने प्रतिरोधात्मक क्षमता रहेको हुन्छ । अनुसन्धानका अनुसार नियमित बेसार खाने व्यक्तिलाई सानोतिनो रोगले सताउँदैन । अकस्मात् घाँटी दुखेमा वा शरीरमा दुखाइ भएमा बेसार पानी पिउँदा निकै राहत पुग्छ । यस्तो अवस्थामा बेसारले एउटा औषधिको काम गरेको हुन्छ । यस्तो शक्तिशाली खान्की बेसारले सौन्दर्य प्रसाधनको रूपमा पनि उत्तिकै महत्त्वपूर्ण भूमिका खेलेको हुन्छ ।
छालाको समस्याका लागि बेसार अचुक औषधि नै मानिन्छ । बेसनको पीठोमा बेसार र अलिकति मह मिसाएर अनुहारमा लगाउँदा अनुहारमा भएको दाग धब्बा हटेर जान्छ । बेसारले उमेर नपुग्दै आउने चाउरीपनबाट समेत बचाउँछ ।
के के छन् त बेसार पानी बाट हुने फाइदाहरू ?
१- बेसारमा करक्युमिन नामक रसायन रहेको हुन्छ । यसले सुन्निएको शरीरमा दुखाई कम गर्ने काम गर्छ ।
२- बिहान उठ्ने बित्तिकै मन तातो पानीसँग बेसार मिलाएर खाएमा दिमाग तेज हुन्छ ।
३- बेसारले एक शक्तिशाली एन्टी अक्सिडेन्टको रूपमा काम गर्छ । यसले क्यान्सर उत्पादन गर्ने कोशिकाहरूसँग लड्ने काम गर्छ ।
४- बेसार मिसाएर पकाएको खाना पचाउन सजिलो हुन्छ ।
५- नियमित बेसार पानी पिउँदा यसले रगत सफा गर्नुका साथै शरीरमा रगत जम्न दिँदैन ।
६- शरीर दुखेको समयमा बेसार खाँदा यसमा रहेको करक्युमिन तत्त्वले दुखाइ कम गर्न ठुलो भूमिका खेल्छ ।
७- नियमित बेसार पानी पिउँदा अनुहारमा आउने चाउरीपनबाट बच्न सकिन्छ । यसले समय नपुग्दै आउने चाउरीपनलाई रोक्ने काम गर्छ ।
८- नियमित बेसार पानी पिउँदा मधुमेहको खतरा कम हुन्छ ।
नोट: माथि उल्लेखित स्वास्थ्य सम्बन्धी जानकारीहरू विभिन्न अनलाइन तथा पत्र-पत्रिकाहरुबाट साभार गरिएको हो । मानिसको शारीरिक अवस्था र समय अनुसार पनि माथि उल्लेखित कुराहरूको उपलब्धि फरक पर्छ । सम्पुर्ण रुपमा यही कुरामा मात्रै भर नपर्नुहोला । माथि उल्लेखित कुराहरू प्रयोग गर्दा तपाईँको स्वास्थ्यमा थप खराबी देखिए, कृपया तुरुन्त रोकेर स्वास्थ्यकर्मीहरूसँग सल्लाह लिनुहोस् ।
