काठमाडौँको तारकेश्वर नगरपालिकाका थप ३ जना कोरोना संक्रमित भेटिएका छन ।
स्वास्थ्य तथा जनसंख्या मन्त्रालयका प्रवक्ता जागेश्वर गौतमका अनुसार तारकेश्वर नगरपालिका मा शनिबार पुष्टि भएका तिनैजना संक्रमित महिला हुन ।
उनिहरुमध्ये एकजना तारकेश्वर ११ बस्ने, अर्की एकजना ४ मा बस्ने र अर्की ९ मा बस्ने छन । उनिहरुको उमेर क्रमश २६ वर्ष, ५२ वर्ष र २३ वर्ष रहेको छ ।
गौतमका अनुसार ५२ वर्षिया महिला असार १५ गतेदेखी अस्पतालमा छन । यस्तै २६ वर्षीय महिला काठमाण्डौ बाहिरबाट १४ गतेमात्रै आएकी हुन भने २३ वर्षकी महिला पनि गोरखाबाट केहिदिन अघि काठमाण्डौ आएकी हुन ।
उनीहरू सबैको स्वास्थ्य अवस्था सामान्य रहेको मन्त्रालयले जानकारी दिएको छ ।
यसअघि पनि तारकेश्वरकै दुईजनामा कोरोना संक्रमण पुष्टि भएपछि अहिले उपचाररत छन ।
अब नगरपालिकाभित्रका संक्रमितको संख्या ५ पुगेको छ । संक्रमित भेटिएका ४ जना केही दिनको अन्तरमा जिल्ला बाहिरबाट आएका भएपनि तारकेश्वर वडा नम्बर ४ मा बस्ने आज भेटिएकी ५२ वर्षिया महिलाको कुनै पनि टाभल हिस्ट्री छैन ।
शनिबार बेलुका संक्रमितहरुको घर शिल गरिएको छ ।