विहिवार काठमाडौं जिल्लामा २८ जना कोरोना संक्रमित व्यक्तिहरु फेला परेका छन् ।
त्यस्तै ललितपुर र भक्तपुर जिल्लामा पनि थप २/२ जना संक्रमित गरेर देशभर वितेको २४ घन्टामा ४ सय ७३ जना कोरोना संक्रमित भेटिएका हुन् ।
स्वास्थ्य मन्त्रालयले काठमाडौंमा २८ जना मध्ये १७ महिला र ११ पुरुष रहेका जानकारी दिएको छ ।
त्यस्तै ललितपुरमा १ महिला र १ पुरुष संक्रमित भएका छन् भने भक्तपुरमा २ जना पुरुषमा कोरोना पुष्टि भएको जानकारी दिएको हो । यससंगै काठमाडौँ उपत्यकामा कोरोना संक्रमितको कुल संख्या १५४ जना पुगेको छ ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा स्वास्थ्य तथा जनासंख्या मन्त्रालयका प्रवक्ता जागेश्वर गौतमले २४ घण्टामा नेपालमा ४ सय ७३ जनामा कोरोना भाइरस देखिएको बताए ।
योसहित नेपालमा कोरोना संक्रमण भएका व्यक्तिको संख्या १४ हजार ५ सय १९ पुगेको छ ।
कोरोना संक्रमित व्यक्तिमध्ये अहिलेसम्म ५ हजार ३ सय २० जना उपचारपछि निको भएर घर फर्केका छन् भने ९ हजार १ सय ६८ जना देशका विभिन्न आइसोलेसन केन्द्र र अस्पतालहरुमा उपचार गराइरहेका छन् ।
कोरोनाको कारण नेपालमा अहिलेसम्म ३१ जनाको ज्यान गएको छ भने देशका ७७ वटै जिल्लामा कोरोना संक्रमित फेला परेका छन् ।