प्रधानमन्त्री केपी शर्मा ओली बाँसबारीस्थित शहिद गंगालाल राष्ट्रिय हृदय केन्द्र पुगेका छन्।
प्रधानमन्त्रीका प्रेस सल्लाहकार सूर्य थापाले प्रधानमन्त्री नियमित स्वास्थ्य परीक्षणका लागि गंगालाल पुगेका जानकारी दिए। उनका अनुसार प्रधानमन्त्री ओली साँझ ५ बजे अस्पताल पुगेका हुन्।
अस्पतालमा प्रधानमन्त्रीको मुटुको जाँच गरिने थापाले बताए। स्वास्थ्य परीक्षण सकेर प्रधानमन्त्री आजै निवास फर्कने छन् ।
अस्पताल स्रोतका अनुसार उनको स्वास्थ्य जाँचमा अस्पतालका कार्यकारी निर्देशक डा चन्द्रमणी अधिकारी र मुटुरोग विशेषज्ञ डा अरुण मास्केको टोली जुटेको छ ।
अस्पताल स्रोतका अनुसार प्रधानमन्त्रीको चेक जाँचका क्रममा मुटुको इसिजी तथा इको गरिएको र उनको मुटुको अवस्थामा सामान्य रहेको अस्पतालले जनाएको छ ।
प्रधानमन्त्री मुटुमा कुनै समस्या देखिएर नभई नियमित मुटु जाँच गर्नका लागि अस्पतालमा आएको अस्पतालले जनाएको छ ।
यसअघि उनी बालुवाटारमा जारी नेकपा स्थायी कमिटी बैठकका उपस्थित भएका थिए।