शनिबार नेपालमा ३ सय ३१ जनामा कोरोना संक्रमण देखिएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले नयाँ संक्रमितको संख्या ३ सय ३१ भएको जानकारी दिए ।
वितेको २४ घन्टामा ७ हजार ४ सय २६ जनाको पीसीआर विधिबाट परिक्षण गरिएको छ । जसमा ३ सय ३१ जनाको पोजेटिभ आएको हो ।
योसँगै नेपालमा कोरोना संक्रमित भएको संख्या ८ हजार ६ सय ५ पुगेको छ ।
देशभर उपचार गराइरहेका संक्रमितमध्ये शनिबार १ सय ७६ जना निको भएर घर फर्केका छन् । योसँगै नेपालमा निको हुने संक्रमितको संख्या १ हजार ५ सय ७८ पुगेको छ । जसमध्ये पुरुषको संख्या १ हजार ४ सय ३७ पुगेको छ भने महिलाको संख्या १ सय ४१ पुगेको छ ।
अहिलेसम्म २२ जना कोरोनाको कारणले गर्दा ज्यान गुमाइसकेका छन् ।
देशका ७७ जिल्लामध्ये ७४ जिल्लामा कोरोना संक्रमण देखिएको छ ।