पर्वत अस्पतालका ५ जना स्वास्थ्यकर्मीमा कोरोना संक्रमण पुष्टि भएको छ ।
राष्ट्रिय जनस्वास्थ्य प्रयोगशाला काठमाण्डौमा गरिएको परिक्षणमा ५ जना स्वास्थ्यकर्मीमा कोरोना संक्रमण पुष्टि भएको हो ।
संक्रमण पुष्टि संगै अस्पतालले शुक्रबार देखि इमर्जेन्सी बाहेकका सबै सेवा बन्द गरेको छ ।
मेडिकल सुपरिटेण्डेन्ट डा. शिशिर देवकोटाद्वारा जारी गरिएको विज्ञप्तीमा भनिएको छ “असार ५ गते राष्ट्रिय प्रयोगशाला टेकु काठमाडौंमा गरिएको स्वास परीक्षणमा यस अस्पतालका ५ जना स्वास्थ्यकर्मीहरुमा कोभिड १९ पोजेटिभ देखिएको हुँदा यस पर्वत अस्पतालको इमर्जेन्सी बाहेका अरु सेवाहरु अर्को सूचना नभएसम्मका लागि बन्द हने व्यहोरा जानकारी गराइन्छ ।”
पर्वत अस्थायी कोरोना अस्पतालमा संक्रमितको उपचारमा संलग्न ७ स्वास्थ्यकर्मी मध्ये ५ जनामा संक्रमण देखिएको स्रोतले जनायो ।
जेठ २० गते पहिलो पटक संक्रमण पुष्टि भएपछि उनीहरु कोरोना अस्थायी अस्पतालमा एक हप्ता खटिएका भिए । कोरोना अस्पतालमा एक हप्ता बिताइएपछि उनीहरु अहिले पनि क्वारेन्टाइनमा नै रहेको बताइएको छ ।
