काठमाडौं । यातायात व्यवसायी पुष्करराज भट्टको कोरोना भाइरस संक्रमणका कारण निधन भएको छ ।
सेती अस्पताल धनगढी अस्पतालको आइसीयूमा उपचारका क्रममा बुधबार साँझ ७ बजेर ५२ मिनेटमा भट्टको निधन भएको हो ।
कैलालीको गोदावरी नगरपालिका वडा नम्वर ४ का ४६ वर्षका भट्टलाई शनिबार कोरोना पुष्टि भएको थियो ।
उनलाई निकै गाह्रो भएपछि एयरएम्बुलेस मार्फत काठमाडौं ल्याउने तयारी भइरहेको थियो तर समयमा नपुग्दा उनले ज्यान गुमाउनु पर्यो ।
उनी पवनदुत यातायात प्रा.लिका उपाध्यक्ष समेत थिए । उनी भारतबाट आएका नेपालीहरुलाई सिमानादेखी क्वारेन्टिनसम्म पुर्याउने काममा खटिएका थिए ।
नेपाल यातायात व्यवसायी संघका महासचिव सरोज सिटौलाका अनुसार भट्ट् सुरु देखिनै सिमा क्षेत्रमा उद्धार कार्यमा खट्दै आएका थिए र सोही क्रममा संक्रमण भएको थियो ।
सिटौलाले उद्धार कार्यमा खटिने यातायात व्यवसायीलाई व्यक्तिगत सुरक्षाका सामग्री नहुँदा संक्रमणको जोखिम उच्च रहेको भन्दै व्यवसायीको स्वास्थ्य सुरक्षातर्फ सरकारले ध्यान दिनुपर्ने बताएका छन्
दुखद खवर : पवनदुत यातयात प्रा.लि. का उपाध्यक्ष पुष्कर राज भट्टको कोरानाको कारणले भर्खरै सेती हस्पिटल धनगढीमा दुखद निधनको खवर ।
Posted by Saroj Sitoula on Wednesday, June 17, 2020