वास्तुशास्त्रकाअनुसार उचित स्थानमा भान्सा (किचन) भए राम्रो स्वास्थ्य र मानिसलाई प्रगतिशील बनाउनेतर्फ अगाडि बढाउँदछ ।
जसमा महत्त्वपूर्ण मानिन्छ खना पकाउने दिशा र ग्याँसको पोजिसन ।
वास्तु शास्त्रमा किचन निर्माणका क्रममा दुईवटा कुरालाई ख्याल राखिएको हुन्छ, जुन हावाको दिशा र आगो बाल्ने तरिका । खाना पकाउने समयमा आगोका कारणले जुन कार्वन मनोअक्साईड नामक ग्याँस निस्कन्छ, जुन हाम्रो शरीरमा गम्भीर असर गरिरहेको हुन्छ ।
कार्वन मनोअक्साईड ग्याँस खाना पकाउने र खाना खाने मानिसको शरीरमा जानु हुँदैन, यो निक्कै हानिकारक हुन्छ भनेर वस्तु शास्त्री बताउँदछन् ।
यहीँ कुरालाई ध्यानमा राखेर किचनको निर्माण गर्नु राम्रो हुन्छ ।
हामीले सानातिना कुराहरुलाई ख्याल गर्दैनौ, वास्तुशास्त्रले हरेक ठुलादेखि साना साना कुराहरुलाई पनि ख्यालमा राखेर गृह निर्माणकार्य सम्पन्न गराउने गर्दछ । हरेक दिशाहरुको आफ्नो आफ्नो भूमिका हुन्छ । पूर्वबाट सूर्यको ऊर्जा आउने हो, जसले हाम्रो हेल्थ र मानसम्मानमा वृद्धि गराउँदछ ।
दक्षिण दिशाबाट मंगलको ऊर्जा आउँदछ, जसको प्रभावले हाम्रो शरीरमा रक्त सञ्चार प्रकृयालाई ठिक ठाक राख्दछ, हामीले हाम्रो घरमा दक्षिण दिशा बिगारेमा रक्त बिकार सम्बन्धि रोगले सताउन सक्छ । पश्चिम दिशालाई शनिले कन्ट्रोल गरिरहेको हुन्छ ।
शनिले न्यायालयमा वकालत गराउँछ । त्यस्तै बाहिरी मानिसहरूको सम्बन्ध लगायतका क्षेत्रहरु हेर्न गर्दछ । उत्तरी दिशाबाट सकारात्मक ऊर्जा प्रवाह हुने मुख्य स्रोतका रुपमा लिने गरिन्छ । यदि हामीले उक्त दिशा बिगार्न पुगेमा विभिन्न समस्याहरु देखापर्छन् । उत्तर दिशामा देवताहरुको निवास हुने मुख्य दिशा हो ।
यदि हामीले उक्त दिशामा खाना पकाउने किचन निर्माण गरेका छौँ भने जुन दिनदेखि तपाईंले उत्तर या उत्तर पूर्वमा किचन बनाउने सोच बाउनु भयो, त्यही दिनदेखिनै समस्या देखापर्ने सुरुगर्छ । मानसिक, शारीरिक, आर्थिक तथा श्रीमान् श्रीमतीको सम्बन्ध लगायत अरु थुप्रै समस्या एक पछि अर्काे गर्दै बढिरहेको हुन्छ ।
होटलमा पनि यहि नियम नै लागू हुने हो । वास्तुशास्त्रका अनुसार यदि तपाईंको घरमा किचन उत्तर या उत्तर पूर्वमा बनाउनु भएको छ भने बिशेश गरि रिलेसन संगै आर्थिक अभाव बनाई रहेको हुन्छ । या तपाईंको घरमा किचन दक्षिण दिशामा बनाउनु भएको छ भने बिमारी र उपचारमा धन खर्च गराउँदछ ।
दक्षिण पश्चिममा भएको किचनले आर्थिक अभाबसँगै हरेक मानिसहरूसँगको सम्बन्धमा समस्या देखाउने गर्दछ । पश्चिम उत्तरमा बनाईएको किचनले मानसिक समस्या र खर्चमा वृद्धि गराउने काम गर्दछ । त्यसकारणले जस्तो खाना खायो त्यस्तै हाम्रो रगत निर्माण हुने हो । जस्तो रगत भयो त्यस्तै हाम्रो बुद्धि विकास हुने हो ।
जस्तो बुद्धिले काम गर्याे त्यस्तै हाम्रो कर्म बन्ने हो । राम्रो कर्म, राम्रो सम्बन्ध हुनका लागि राम्रो स्थानमा बसेर खाना खानु मुख्यकुरा हो ।