कर्णाली प्रदेशमा थप ५२ जनामा कोरोना सङ्क्रमणको देखिएको छ ।

आइतबार दैलेख र सुर्खेत जिल्लामा गरी ५२ जनामा कोरोना सङ्क्रमण देखिएको हो ।

सामाजिक विकास मन्त्रालयका स्वास्थ्य सेवा महाशाखा प्रमुख डा लक्ष्मीनारायण तिवारीले थप ५२ जनामा कोरोना सङ्क्रमण भएको पुष्टि गरे ।

थपिएका नयाँ सङ्क्रमितहरुमध्ये सुर्खेत जिल्लाका १५ जना रहेका छन् भने दैलेख जिल्लाका ३७ जना रहेका छन् ।

सुर्खेतमा भेटिएका १५ जना सङ्क्रमितहरु सो जिल्लाका ४ वटा पालिकाका बासिन्दा रहेको खुलेको छ ।

दैलेखमा भेटिएका ३७ जना सङ्क्रमितमध्ये ३५ जना नौमुले गाउँपालिकाका बासिन्दाहरु हुन् भने नारायण नगरपालिका २ का २ जना पुरुषहरु रहेका छन् ।

आइतबार कर्णाली प्रदेशमा भेटिएका सङ्क्रमितहरुको विवरण ।

प्रदेश अस्पताल सुर्खेत र पशुपन्छि रोग अन्वेषण प्रयोगशाला सुर्खेतमा र कर्णाली स्वास्थ्य विज्ञान प्रतिष्ठान जुम्लामा गरिएको परिक्षणमा उनीहरुमामा सङ्क्रमण देखिएको हो ।

नयाँ सङ्क्रमितसँगै कर्णालीमा सङ्क्रमित भएका व्यक्तिको सङ्ख्या ९ सय ६७ पुगेको छ । जसमध्ये पुरुषको संख्या ८ सय ९३ पुगेको छ भने महिलाको संख्या ७४ पुगेको छ ।

आज दैलेख अस्पतालबाट २ जना, कर्णाली स्वास्थ्य विज्ञान प्रतिष्ठान जुम्लामा १ जना निको भएर घर फर्केका छन् योसँगै कर्णालीमा निको हुनेको संङ्ख्या ९४ पुगेको छ भने कोरोनाको कारण ३ जनाको ज्यान गइसकेको छ ।

कुन जिल्लामा कति ?

कर्णाली प्रदेशका १० जिल्लामध्ये (रुकुम पश्चिम) बाहेक अन्य ९ जिल्लामा कोरोना सङ्क्रमित फेला परेका छन् ।

आज भेटिएका ३७ जनासहित दैलेख जिल्लामा सङ्क्रमितको संख्या ५ सय ३८ पुगेको छ भने सुर्खेतमा आज भेटिएका १४ जनासहित सङ्क्रमितको संख्या २ सय १२ पुगेको छ । त्यस्तै सल्यानमा १३७, कालिकोटमा २८, जुम्लामा २४, जाजरकोटमा ८, मुगुमा २, हुम्ला र डोल्पामा १-१ र स्थायी ठेगाना अन्य जिल्लामा भएतापनि व्यापार र रोजगारीको शिलशिलामा कर्णाली प्रदेशमा बसेका १६ जना गरी जम्मा ९ सय १५ जनामा संङ्क्रमण पुष्टि भएको छ ।

अन्य जिल्लाका १६ सङ्क्रमितहरुमा अछामका १० जना, बझाङ, बाजुरा, गोरखा, दोलखा, रामेछाप र काठमाडौं स्थायी ठेगाना भएका १-१ जना रहेका छन् ।