विश्वभर कोरोना संक्रमित मध्ये ३५ लाख भन्दा बढी निको भएका छन् ।
मंगलबार दिँउसो सम्मको तथ्यांकअनुसार विश्वभरका कोरोना सङक्रमित मध्ये ३५ लाख ५२ हजार ३ सय ६९ जना निको भएका हुन् ।
संङक्रमितको सङ्ख्या ७२ लाघ १६ हजार २ सय ६३ पुग्दा आधाजसो निको भएका छन् ।
पछिल्लो तथ्यांकलाई विश्लेषण गर्दा निको हुनेको प्रतिशत ४९ दशमलव २३ रहेको छ । अहिलेसम्म ज्यान गुमाउनेको संख्या ४ लाख ९ हजार ९२ पुगेको छ जुन भनेको सङ्क्रमितको ५ दशमलव ६७ प्रतिशत हो ।
चीनको हुबे प्रान्तको वुहान शहरबाट गत वर्षको डिसेम्बरको अन्त्यबाट शुरु भएको कोरोना भाइरस संक्रमणको कारण अमेरिका सबैभन्दा बढी प्रभावित भएको छ ।
बर्लडमिटर डट इन्फोको तथ्यांक अनुसार संयुक्त राज्य अमेरिकामा मात्र २० लाख २६ हजार ५ सय ९७ जनामा कोरोना भाइरसका संक्रमित रहेका छन्। यस प्रकोपका कारण अमेरिकामा १ लाख १३ हजार ६१ व्यक्तिको मृत्यु भइसकेको बताइएको छ।
युरोपमा २१ लाख १८ हजार २१६ जना कोरोना भाइरस संक्रमित रहेका छन् भने १ लाख ७९ हजार ५६८ को मृत्यु भएको छ। एसियामा १३ लाख ९९ हजार ४०९ जनामा कोरोना भाइरस संक्रमण रहेको छ भने, ३५ हजार ७७० जनाको मृत्यु भएको छ।
अफ्रिकामा १ लाख ९९ हजार ७ जनामा कोरोना भाइरस संक्रमण रहेको छ भने ५ हजार ३९० जनाको मृत्यु भएको छ । ओसियानामा ८ हजार ८७७ जनामा कोरोना भाइरस संक्रमण रहेको छ भने १२४ जनाको मृत्यु भएको छ।