काठमाडौ, जेठ २७- आज चर्चित महानायक राजेश हमालको जन्मदिन परेको छ । आज अर्थात मंगलबार उनको जन्मदिन परेको हो ।
९ जुन, १९६४ मा पाल्पाको तानसेनमा जन्मिएका उनि नेपाली चलचित्र जगतमाछुट्टै पहिछान बनाउन सफल भएका छन् ।
५६ बर्ष लागेका उनले ३ दशक लामो फिल्म यात्रामा २ सयभन्दा बढी फिल्ममा अभिनय गरिसकेका छन् ।
उनका हामी तीन भाइ, देउता, अल्लारे, अजम्बरी नाता, पालेदाई, आशीर्वाद जस्ता फिल्म उनका हिट मानिन्छन् ।
सन् १९९४ मा उनले १६ वटा फिल्ममा अभिनय गरेका थिए ।
एउटा पाकिस्तानी फिल्म पनि अभिनय गरेका उनका लागि आफूले गरेका फिल्ममध्ये देवता र वसन्ती सबैभन्दा मनपर्ने फिल्म हुन् ।
अभिनेता हमाल अभिनीत पछिल्लो रिलिज फिल्म शकुन्तला हो ।हमालले उच्च शिक्षा (एम ए अङ्ग्रेजी) भारतको पञ्जाब विश्वविद्यालयबाट पूरा गरेका हुन् ।
नेपाली चलचित्र क्षेत्रमा साढे दुई दशक भन्दा बढी समय खर्चिएका नायक हमालले नेपाली चलचित्र क्षेत्रका धेरै पुरस्कार प्राप्त गरेका छन् ।
पछिल्लो समय उनी सामाजिक कार्यमा समेत सक्रिय छन् ।
उनलाई नेपाली चलचित्र क्षेत्रमा शङ्कर, महानायक र राजेश दाइ भनेर चिन्ने गरिन्छ ।
सन् १९८५ मा सुरु भएको उनको यात्रा टेलिभिजन प्रस्तोता र समाजसेवामा समेत बिस्तार भएको छ ।
लामो समयसम्म अविवाहित रहेका हमालले सन् २०१४ मा मधु भट्टराईसँग विवाह गरेका छन् ।
नेपालमा मात्र होइन पाकिस्तानी चलचित्रमा समेत उनले अभियनय गरेका छन् ।
नेपालमा भने उनले झन्डै १ सय ७० भन्दा धेरै चलचित्रमा मुख्य अभिनय गरेका छन् ।
विद्यालय स्तरीय शिक्षा मस्कोबाट र उच्च शिक्षा भारतको पञ्जाब विश्व विद्यालयबाट पुरा गरेका हमालले कक्षा ८ सम्म जेन्ट जेभियर स्कुलमा पढेका थिए ।
आफ्नो अघिल्लो वर्षको जन्मदिनमा फेसबुक पेजमा भने हमालले आफू आज २५ वर्ष पुग्ने भन्दै ठट्टा गरेका थिए ।