विश्व सुन्दरी प्रियंका चोपडा र अमेरिकाका गायक निक जोनस बलिउडको आदर्श जोडी मानिन्छन् ।
उनीहरु अहिले अमेरिकाको लस एञ्जलमा रहेको आफ्नै घरमा होम क्वारेन्टाइनमा बसेका छन् ।
उनीहरु सामाजिक संजालमा निकै नै सक्रिय भएर आफ्ना हरेक कुराहरु शेयर गरिरहेका हुन्छन् ।
कहिले बाथरुमको फोटो त कहिले किसिङ् सिनले उनीहरु ट्रोलको शिकार भइरहन्छन् ।
अमेरिकामा भएको एउटा घटना पछि अहिले विश्वभर रंगभेदविरुद्ध आन्दोलन चर्किरहेको छ ।
यो समयमा प्रियंकाले ‘गार्नियर’ को प्रचार गरेपछि यतिबेला चौतर्फी आलोचना भइरहेको हो।
अमेरिकी सुरक्षाकर्मीले जोर्ज फ्लोएड ह त्या गरेको विषयलाई लिएर हालै अमरिकामा रंगभेदविरुद्धको आन्दोलन चर्किएको छ।
त्यो आन्दोलनमा विश्वभरवाट समर्थन छ । रंगका आधारमा विभेद गर्न नपाइने भन्दै समर्थन जनाइएको छ ।
गत मे २५ मा जोर्जको प्रहरीको नियन्त्रणमै रहेका क्रममा निधन भएपछि निक जोनास र प्रियंका दुवैले ‘ब्ल्याक लाइभ्स म्याटर’ को अभियानलाई समर्थन जनाएका थिए।
Pri & I have heavy hearts … The reality of the inequalities in this country, and around the world, are glaring. Systemic racism, bigotry and exclusion has gone on for far too long, and remaining silent not only reinforces it, but it allows it to continue.
— Nick Jonas (@nickjonas) June 3, 2020
दुवैले अश्वेतको जीवनले पनि अर्थ राख्छ भन्दै सामाजिक सन्जालमा पोस्टहरु गरेका थिए।
तर रंगभेदविरुद्ध आवाज उठाएकी प्रियंकाले यसबीचमै छाला गोरो बनाउने क्रिम ‘गार्नियर’को प्रचार गरेपछि उनलाई मानिसहरुले विरोध जनाएका हुन्।
कंगनाले प्रियंकालाई लक्षित गर्दै भनिन् , “अमेरिकामा काला र गोराको पक्ष र विपक्षमा विवाद भइरहेको छ ।
कालालाई समर्थन गर्नु राम्रो कुरा हो तर पनि गोरो हुने क्रिमको बिज्ञापन गर्नेले समर्थन गरेको अलि सुहाएन कि ?
स्मरण रहोस कंगनाले पनि बोसो प्लसको बिज्ञापनमा महङ्गो पारिश्रमिक लिएकी थिइन्