नेपालका ७ जिल्ला अहिलेसम्म कोरोना सङ्क्रमणबाट सुरक्षित रहेका छन् ।

प्रदेश १ र गण्डकीमा दुई-दुई जिल्ला तथा वाग्मती, प्रदेश ५ र कर्णालीमा एक-एक जिल्ला सङ्क्रमणबाट सुरक्षित रहेका हुन् ।

स्वास्थ्य मन्त्रालयको तथ्याङक अनुसार प्रदेश १ का इलाम र ओखलढुङगा, वाग्मतीको रसुवा, गण्डकीको मनाङ र मुस्ताङ, प्रदेश ५ को रोल्पा र कर्णालीको रुकुम पश्चिममा कोरोनाको सङ्क्रमण देखिएको छैन ।

शुक्रबार कर्णालीको हुम्ला र गण्डकीको गोरखा र कास्की तथा हिजो कर्णालीकै जाजरकोट र डोल्पामा पहिलो पटक कोरोना सङ्क्रमण भेटिएको हो । योसँगै नेपालमा ७० जिल्लामा कोरोना सङ्क्रमित भेटिएका छन् ।

नेपालमा शनिबारसम्म कोरोना भाइरसबाट संक्रमित हुनेको संख्या ३ हजार २ सय ३५ पुगेको छ ।

शनिबारसम्म कोरोनाको कारण ज्यान गुमाउनेको संख्या १३ पुगेको छ । विगत २४ घन्टामा २ जनाको निधन भएसँगै सङख्या १३ पुगेको हो ।

संक्रमितको संख्या ३२ सय नाघ्दा सङक्रमित भएको जिल्लाको संख्या ७० पुगेको छ । अहिलेसम्म ३ सय ६५ जना उपचारपछि निको भएर घर फर्केका छन् ।

प्रदेश १ मा अहिलेसम्म २ सय ४९ जना सङक्रमित फेला परेका छन् । जसमध्ये ७९ जना उपचारपछि निको भएर घर फर्केका छन् भने १ सय ७० जना विभिन्न अस्पतालमा उपचार गराइरहेका छन् । प्रदेश १ को १२ जिल्लामा कोरोना संङक्रमण फेला परेको छ ।

प्रदेश २ मा अहिलेसम्म १ हजार ७७ जना सङक्रमित फेला परेका छन् । जसमध्ये १ सय ३३ जना उपचारपछि निको भएर घर फर्केका छन् भने ९ सय ४३ जना विभिन्न अस्पतालमा उपचार गराइरहेका छन् । प्रदेश २ सम्पूर्ण जिल्ला (८ वटै जिल्लामा) कोरोना संङक्रमण फेला परेको छ । यस प्रदेशबाट कोरोनाको कारणले १ जनाको ज्यान गइसकेको छ ।

बाग्मती प्रदेशमा मा अहिलेसम्म ९० जना सङक्रमित फेला परेका छन् । जसमध्ये ३२ जना उपचारपछि निको भएर घर फर्केका छन् भने ५५ संङक्रमितहरु विभिन्न अस्पतालमा उपचार गराइरहेका छन् । बाग्मती प्रदेशमा १२ जिल्लामा कोरोना संङक्रमण फैलिएको छ । यस प्रदेशबाट कोरोनाको कारणले ३ जनाको ज्यान गइसकेको छ ।

गण्डकी प्रदेशमा मा अहिलेसम्म ७३ जना सङक्रमित फेला परेका छन् । जसमध्ये ३ जना उपचारपछि निको भएर घर फर्केका छन् भने ७० विभिन्न अस्पतालमा उपचार गराइरहेका छन् । गण्डकी प्रदेशमा ९ जिल्लामा कोरोना संङक्रमण फैलिएको छ ।

प्रदेश ५ मा मा अहिलेसम्म १ हजार ६१ जना सङक्रमित फेला परेका छन् । जसमध्ये ९६ जना उपचारपछि निको भएर घर फर्केका छन् भने ९ सय ६१ विभिन्न अस्पतालमा उपचार गराइरहेका छन् । प्रदेश ५ का ११ जिल्लामा कोरोना संङक्रमण फैलिएको छ । यस प्रदेशबाट कोरोनाको कारणले ४ जनाको ज्यान गइसकेको छ ।

कर्णाली प्रदेशमा मा अहिलेसम्म ५ सय ७९ जना सङक्रमित फेला परेका छन् । जसमध्ये ९ जना उपचारपछि निको भएर घर फर्केका छन् भने ५ सय ६७ जना विभिन्न अस्पतालमा उपचार गराइरहेका छन् भने ३ जनाको ज्यान गइसकेको छ । कर्णाली प्रदेशका ९ जिल्लामा कोरोना संङक्रमण फैलिएको छ । आज थप २ जिल्लामा सङक्रमण फैलिएसँगै सङख्या ९ पुगेको हो ।

सुदुरपश्चिम प्रदेशमा मा अहिलेसम्म १ सय ६ जना सङक्रमित फेला परेका छन् । जसमध्ये १३ जना उपचारपछि निको भएर घर फर्केका छन् भने ९१ जना विभिन्न अस्पतालमा उपचार गराइरहेका छन् भने २ जनाको ज्यान गइसकेको छ । सुदुरपश्चिम प्रदेशका ९ जिल्लामा कोरोना संङक्रमण फैलिएको छ ।