काठमाडौं । प्रधानमन्त्री केपी ओलीले कोरोना भाइरसबाट नेपालमा पहिलोपटक सुत्केरीको मृत्युले आफू दुःखी भएको बताएका छन् ।
उनले कोरोना भाइरसबाट कसैले पनि ज्यान गुमाउनु नपरोस् भन्ने सरकारको प्रयास बाबजुद पनि सुत्केरीको निधनले आफू निकै दुःखी भएको उल्लेख गरेका छन् ।
प्रधानमन्त्री ओलीले आइतबार बिहान सामाजिक सञ्जालमार्फत सुत्केरीको परिवारजनमा समवेदना पनि प्रकट गरेका छन् ।
‘कोरोनाको संक्रमणबाट कसैले पनि ज्यान गुमाउन नपरोस् भन्ने सरकारको प्रयासका बावजुद सिन्धुपाल्चोक निवासी सुत्केरी महिलाको मृत्युको खबरले मलाई अत्यन्त दुःखी तुल्याएको छ। मृतकप्रति भावपूर्ण श्रद्धाञ्जलि र शोकाकुल परिवारजनमा गहिरो समवेदना ब्यक्त गर्दछु,’ प्रधानमन्त्रीले लेखेका छन् ।
कोरोनाको संक्रमणबाट कसैले पनि ज्यान गुमाउन नपरोस् भन्ने सरकारको प्रयासका बावजुद सिन्धुपाल्चोक निवासी सुत्केरी महिलाको मृत्युको खबरले मलाई अत्यन्त दुःखी तुल्याएको छ। मृतकप्रति भावपूर्ण श्रद्धाञ्जलि र शोकाकुल परिवारजनमा गहिरो समवेदना ब्यक्त गर्दछु।
— K P Sharma Oli (@kpsharmaoli) May 17, 2020
सिन्धुपाल्चोक निवासी २९ वर्षीया सुत्केरी महिलाको कोरोना भाइरसको संक्रमणबाट गत बिहीबार नै मृत्यु भएपनि स्वास्थ्य तथा जनसंख्या मन्त्रालयले भने काेराेनाकै कारण मृत्यु भएकाे भनेर त्यसको औपचारिक पुष्टि शनिबारबेलुका मात्र गरेको हो ।
वैशाख २४ गते त्रिवि शिक्षण अस्पतालमा डेलिभरी भएकी ती महिलामा श्वास्प्रश्वासमा समस्या भएपछि धुलिखेलमा थप उपचारका लागि आउँदै गर्दा बाटोमा मृत्यु भएको स्वस्थ्य मन्त्रालयले जनाएको छ ।