सीमापारी रोकिएको झण्डै ८ सय जना नेपालीलाई नेपाल ल्याइएको छ ।

रुपन्देहीको सीमापारी रोकिएका ती नेपालीलाई स्थानीय जनप्रतिनिधिको प्रतिनिधिको अगुवाइमा रुपन्देही ल्याइएको हो । उनीहरुलाई सीमावारी ल्याएर नियमानुसार क्वारेन्टाइनमा राखिएको छ ।

उनीहरु भारतका विभिन्न ठाउँबाट आएर सीमा नजिक क्वारेन्टाइनमा बसेका थिए ।

लामो समय क्वारेन्टाइनमा बसेका उनीहरु क्वारेन्टाइन अवधि पूरा भएको भन्दै जबरजस्ती नेपाल छिर्न खोजेपछि उनीहरुलाई व्यवस्थित तरिकाले ल्याइएको हो ।

रुपन्देही ल्याइएका उनीहरुलाई निश्चित समय क्वारेन्टाइमा राखेपछि मात्रै आ–आफ्नो घर पठाइनेछ ।