नेपालमा मंगलबार थप २६ जनामा कोरोनाभाइरसको संक्रमण पुष्टि भएको छ । योसँगै कूल संक्रमितको संख्या २१७ पुगेको छ ।
यसमध्ये काठमाडौँ र भक्तपुर जिल्लामा पनि कोरोनाभाइरसको संक्रमण देखिएको छ । राष्ट्रिय जनस्वास्थ्य प्रयोगशाला काठमाडौँमा गरिएको परीक्षण अनुसार भक्तपुर जिल्ला निवासी २५ वर्षीया महिला र २७ वर्षीय पुरुष तथा काठमाडौँ जिल्ला निवासी ३३ वर्षीय महिलामा कोरोनाभाइरसको संक्रमण देखिएको हो ।
राष्ट्रिय जनस्वास्थ्य प्रयोगशाला, काठमाडौंमा गरिएको पीसीआर नमुनाको परीक्षणमा मंगलबार ८३ जनाको रिपोर्ट पोजिटिभ आएको स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीले जानकारी दिए ।
नयाँ संक्रमितहरु पर्साबाट १८ जना, महोत्तरीबाट २ जना, धनुषाबाट २ जना, भक्तपुरमा २ जना, काठमाडौैबाट १ जना र सर्लाहीबाट १ जना गरेर २६ जनामा संक्रमण पुष्टि भएको हो ।
नयाँ संक्रमित पर्सा जिल्लाका ६ जना महिलाहरु १२ जना पुरुषहरु गरेर १८ जना । महोत्तरी जिल्लाका २ जना पुरुष, धनुषा जिल्ला निवासी २० वर्षिया महिला र ४० वर्षिया पुरुष गरी २ जना । भक्तपुर जिल्लाका २५ वर्षिया महिला र २७ वर्षिया पुरुष गरी २ जना र काठमाडौै जिल्ला निवासी ३३ वर्षिया महिला १ जना र सर्लाही जिल्ला निवासी ४५ वर्षाका पुरुष गरी जम्मा २६ जनामा कोरोना पोजेटिभ देखिएको हो ।
स्वास्थ्य तथा जनसंख्या मन्त्रालयका अनुसार उनीहरुको स्वास्थ्य अवस्था सामान्य रहेको छ ।
नेपालमा संक्रमितको संख्या बढ्न थालेपछि केही खुकुलो बनाइएको लकडाउन थप कडा बनाइने भएको छ ।
केहीदिन अघि सरकारले शर्तसहित ४४ प्रकारका उद्योग खोल्ने निर्णय गरेको थियो । लकडाउन खुकुलो गरेको कारणले गर्दा कोरोना भाइरस समुदायमा फैलिन थालेको आकँलन गर्दै लकडाउन कडा बनाउने निर्णय गरेको हो ।