मनमोहन सिंह अस्पतालमा : फ्यान एकाउन्टमा प्रधानमन्त्री ओलीले गरे स्वास्थ्य लाभको कामना

प्रधानमन्त्री केपी शर्मा ओलीले अस्पतालमा रहेका भारतीय पूर्वप्रधानमन्त्री मनमोहन सिंहलाई शिघ्र स्वास्थ्यलाभको कामना गरेका छन्।

सोमबार दिउँसो ट्वीट गर्दै प्रधानमन्त्री ओलीले सिंहको स्वास्थ्य लाभको कामना गरेका हुन्।

तर उनले ट्वीटरमा मेन्सन गरेको एकाउन्ट मनमोहन सिंहको आधिकारिक नभई उनको फ्यान एकाउन्ट हो। सिंहले ट्वीटरमा खाता नै नखोलेको बताइएको छ।

यसअघि प्रधानमन्त्री ओली अफिसियल ह्यान्डिलबाट सोनिया गान्धीको एउटा ट्वीट रिट्वीट भएको थियो। भारत सरकारले ल्याएको नागरिकता कानुनविरुद्धको विरोध भिडिओ भएको उक्त ट्वीट कसरी प्रधानमन्त्री ओलीको आधिकारिक ह्यान्डलबाट रिट्वीट भयो भनेर छानबिन गर्ने भनिएको थियो।

अहिले सच्याएर ओलीकाे ह्यान्डलबाट ट्वीट भएकाे छ

भारतका पूर्व प्रधानमन्त्री मनमोहन सिंह गम्भीर बिरामी परेका छन्। छाति दुख्ने समस्या आएपछि सिंहलाई राति दिल्ली स्थित एम्स अस्पताल भर्ना गरिएको भारतीय सञ्चार माध्यमले जनाएका छन्।

भारतीय सञ्चारमाध्यम टाइम्स अफ इन्डियाका अनुसार बेलुका ८ बजेर ४५ मिनेटमा उनलाई अस्पतालमा भर्ना गरिएको हो । विशेषज्ञ डाक्टर नितिष नायकको टीमले पूर्व प्रधानमन्त्रीको स्वास्थ्य चेकजाच गरिरहेको छ ।

मनमोहन सिंहको जन्म पाकिस्तानको पञ्जाब प्रान्तमा २६ सेप्टेम्बर १९३२ मा भएको थियो। देशको विभाजन पछि सिंहको परिवार भारत आए। उनी सन् २००४ देखि २०१४ सम्म भारतको प्रधानमन्त्रि भएका थिए ।

डा. सिंहले धेरै राष्ट्रिय र अन्तरराष्ट्रिय सङ्गठनहरूमा भारतको प्रतिनिधित्व गरेका छन्। आफ्नो राजनीतिक जीवनमा उनी १९९१ बाट राज्य सभाको सांसद रहेका छन्। र १९९८ तथा २००४ मा संसदमा विपक्षको नेता रहिसकेका छन्।

पूर्व प्रधानमन्त्रि अस्पताल भर्ना भएको खबर सुनेसँगै विश्वभर छरिएका भारतीयहरुले सामाजिक सञ्जालहरुमा सिघ्र स्वास्थ्य लाभको कामना गरिरहेका छन् ।

अन्तिम पटक अध्यावधिक गरिएको: शुक्रवार, जेठ २ २०७७ १४:२०:४०
#
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।

प्रतिक्रिया दिनुहोस

सम्वन्धित समाचार

सबै