सरकारले ओम्नी ग्रुपबाट गरिएको स्वास्थ्य सामाग्री खरिदमा भ्रष्टाचार नभएको स्पष्ट पारेको छ।
प्रतिनिधिसभाको राज्य व्यवस्था तथा शुसासन समितिको सोमबारको बैठकमा स्वास्थ्य तथा जनसंख्या मन्त्रालयका सचिव यादव कोइरालाले कोरोना परीक्षणका लागि आवश्यक स्वास्थ्य सामाग्री खरिदमा कुनै भ्रष्टाचार नभएको दाबी गरेका हुन्।
र यो पनि पढ्नुहोस्
चिनबाट नबिन बिकको स्वास्थ्य मन्त्रीलाई खुला-पत्र, ३ करोड नेपालीको स्वास्थ्यमा खेलबाड, किन यस्तो गर्नु भयो ? मन्त्रीज्यु ?
मन्त्रालयले खरिद प्रक्रियाका सम्पुर्ण प्रक्रिया पुरा गरेको पनि उनले बताए। स्वास्थ्य सामग्री खरिदमा अनियमिता भएको र अनियमितामा संलग्नलाई कारवाही नभएको भन्दै समिति सदस्यहरुले प्रश्न गरेपछि सचिव यादवले अनियमितता भएको भए छानबिन गर्न पनि चुनौति दिए।
महामारीविरुद्ध कसैले पनि अपराध गर्न नसक्ने भन्दै उनले सामाग्री अभावका कारण उत्पन्न हुन सक्ने भयावह स्थितिको पनि आकलन गर्न सांसदहरुलाई सुझाव दिए तर उले ओम्नीसँगको सम्झौता बजारमुल्य भन्दा १४ प्रतिशतले बढी भएको भने स्वीकार गरेका छन्।
बैठकमा सांसद देवेन्द्रराज कँडेलले थर्मल गन ५ गुनाभन्दा बढी लिएर बेचेकोमा सुलभ अग्रवाललाई कारवाही गर्ने सरकारले ५० गुना बढीमा लिएर स्वास्थ्य सामाग्री बेच्नेलाई किन कारवाही नगरेको भनेर प्रश्न गरे। ओम्नीसँगको खरिद सम्झौत रद्द गरे पनि त्यसबारेमा अहिलेसम्म सरकारको तर्फबाट औपचारिक जानकारी आएको थिएन। मिनी संसदको संसदीय समितिमा सोमबार यसबारे मन्त्रालयका सचिवले स्पष्ट पारेका हुन्।
