सांसद गंगा चौधरी (सत्गौवा) ले भारतले लिपुलेक हुँदै मानसरोवर जाने बाटो बनाएकोप्रति आपत्ति जनाएकी छिन् ।
सोमबार प्रतिनिधि सभाको बैठकमा बोल्दै सांसद चौधरीले भारतको उक्त कार्य निन्दनीय भएको बताइन् ।
आफूलाई विश्वमा धनी र ठूलो देश भनेर घमण्ड गर्ने भारत नेपालको अगाडि भिखारी र गरिब देश भएको समेत भएको बताइन् । उनी भन्छिन् ‘आफूलाई विश्वमा धनी र ठूलो देश भनेर घमण्ड गर्ने भारत नेपालको अगाडि भिखारी र गरिब देश हो ।’
सांसद चौधरीले भारतले नेपाली भूमि मिचेर बनाएको सकडविरुद्ध अन्तर्राष्ट्रिय अदालत जानुको अर्को विकल्प केही नभएको जिकिर गरिन् । उनले भनिन्, ‘भिख मागेर हाम्रो भूमि मिचेको भए बेग्लै कुरा हुन्थ्यो तर हाम्रो भूमि चोरेर बनाएको बाटोको विरुद्धमा हामी अन्तर्राष्ट्रिय अदालत जानुपर्छ, अरु विकल्प छैन ।’
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
