भारतले नेपाली भूमि अति क्रमण गर्दै तिब्बतमा रहेको कैलाश मानसरोवर यात्राका लागि नयाँ बाटो खोलेको छ। भारतीय रक्षामन्त्री राजनाथ सिंहले शुक्रबार भिडियो कन्फ्रेन्समार्फत धार्चुला-लिपुलेक लिङ्क रोड उद्घाटन गरेका हुन् ।
भारतको उत्तराखण्डस्थित धार्चुला क्षेत्रको पिथौरागढबाट नेपालको दार्चुलाको गुन्जी क्षेत्रबाट लिपुलेक पुग्ने सडक मार्ग भारतले खोलेको हो ।
भारतीय रक्षा मन्त्रालयले विज्ञप्ति जारी गर्दै भनेको छ, ‘उत्तराखण्डको बोर्डर रोड अर्गनाइजेसन (बीआरओ)ले कैलाश मानसरोवर रुटलाई चीनको बोर्डरसम्म जोडेको छ। कोभिड-१९ को महामारी सामना गर्दै बीआरओले १७ हजार ६० फिट उचाइमा रहेको कैलाश मानसरोवरमा बाटो विस्तार गरेको हो ।’
शुक्रबार दिउँसाे देखि नै याे कुराले निकै चर्चा पाएको छ । तर परराष्ट्रमन्त्री प्रदिप कुमार ज्ञवालीले लिपुलेकमा बनेको सडकको बारेमा आफूलाई जानकारी नभएको बताएका छन । भारतले शुक्रबार नेपालको लिपुलेक हुँदै चीनको कैलाश मानसरोवर जाने सडक मार्गको उद्घाटन गरेप्रति आफूलाई जानकारी नभएको बताएका हुन ।
भारतले नेपाली भूमि लिपुलेक हुँदै सडकमार्ग खोल्ने विषयमा नेपाल सरकारसँग परामर्श गरेको थियो भन्ने प्रश्नमा मन्त्री ज्ञवालीले मार्ग खोल्यो भन्ने जानकारी भएको तर यो विषयमा अध्ययन गर्न नपाएको बताए । अध्ययन गरेपछि सबै कुरा थाहा हुने उनको भनाई छ ।
उक्त सडकमार्गको भिडियो कन्फरेन्समार्फत उद्घाटन गर्दै भारतीय रक्षामन्त्री राजनाथ सिंहले ट्विटमार्फत ‘मानसरोवर जाने लिंह रोडको उद्घाटन गर्न पाउँदा खुसी लागेको छ । बोर्डर रोड अर्गनाइजेसन (बीआरओ) ले धार्चुलादेखि लिपुलेक जोड्ने उपलब्धि हासिल गरेको छ । भिडियो कन्फरेन्समार्फत उत्तराखण्डको पिथोरागढदेखि दार्चुलाको गुन्जीसम्म सवारीको जत्था प्रस्थान गरेको’ बताएका थिए । यता राष्ट्रिय प्रजातन्त्र पार्टीका अध्यक्ष कमल थापाले नेपाली भूमि लिम्पियाधुरा र लिपुलेकमा रहेका भारतीय सेना फिर्ताको सट्टा लिपुलेकसम्म बाटो बनाई यातायातका निमित्त खोलिएको घटनाको विरोध गरेका छन्।
उनले शुक्रबार एक ट्विट गर्दै यसबारे अविलम्ब आवश्यक कदम चाल्न नेपाल सरकारसँग माग गरेका छन्।
लिम्पियाधुरा/लिपुलेक नेपाली भुमी हो।त्यहाॅ रहेका भारतीय सेना फिर्तागर्नुको सट्टा लिपुलेकसम्म बाटोबनाई यातायातको निमित्त खोलिएको तथ्य सार्वजनिक भएको छ।भारत सरकारको यस कार्यको भत्सर्ना गर्दछु।यसवारे नेपाल सरकारको उदासिनता खेदजनक छ।यसवारे अविलम्ब आबश्यक कदम चाल्न सरकारसंग माग गर्दछु
— Kamal Thapa (@KTnepal) May 8, 2020
‘लिम्पियाधुरारलिपुलेक नेपाली भुमी हो।त्यहॉ रहेका भारतीय सेना फिर्तागर्नुको सट्टा लिपुलेकसम्म बाटोबनाई यातायातको निमित्त खोलिएको तथ्य सार्वजनिक भएको छ।भारत सरकारको यस कार्यको भत्सर्ना गर्दछु,’उनले लेखेका छन्, ‘यसवारे नेपाल सरकारको उदासिनता खेदजनक छ।यसवारे अविलम्ब आबश्यक कदम चाल्न सरकारसँग माग गर्दछु।’
त्यस्तै नेकपा भारतले नेपाली भूमि अति क्रमण गर्दै तिब्बतमा रहेको कैलाश मानसरोवर यात्राका लागि नयाँ बाटो खोलेपछि रामकुमारी झाँक्रीले नेपालले आफ्नो भनाइ राख्नुपर्छ भन्दै कुरा उठाएकी छिन् ।
उनले शुक्रबार आफ्नो ट्विटर हयान्डलमार्फत नेपाल सरकारले तत्काल भारतीय सरकार समक्ष विरोध जनाउनुपर्छ ताकि भारतीय सरकारले आफ्नो यस्तो मिचाहा प्रवृति बन्द गरोस।
सरकार!
भारतले नेपाली भूभाग मिचेर चीनको मानसरोवर जाने बाटो खोल्यो भन्ने समाचार छ।के यो सत्य हो?यस बारे यथार्थ जानकारी सार्वजनिक गर्नुपर्छ।यदि समाचार सत्य हो भने नेपाल सरकारले तत्काल भारतीय सरकार समक्ष विरोध जनाउनुपर्छ ताकि भारतीय सरकारले आफ्नो यस्तो मिचाहा प्रवृति बन्द गरोस।
भारतीय रक्षामन्त्री राजनाथ सिंहले शुक्रबार भिडियो कन्फ्रेन्समार्फत धार्चुला-लिपुलेक लिङ्क रोड उद्घाटन गरेका हुन् ।
भारतको उत्तराखण्डस्थित धार्चुला क्षेत्रको पिथौरागढबाट नेपालको दार्चुलाको गुन्जी क्षेत्रबाट लिपुलेक पुग्ने सडक मार्ग भारतले खोलेको हो ।
भारतीय रक्षा मन्त्रालयले विज्ञप्ति जारी गर्दै भनेको छ, ‘उत्तराखण्डको बोर्डर रोड अर्गनाइजेसन (बीआरओ)ले कैलाश मानसरोवर रुटलाई चीनको बोर्डरसम्म जोडेको छ। कोभिड-१९ को महामारी सामना गर्दै बीआरओले १७ हजार ६० फिट उचाइमा रहेको कैलाश मानसरोवरमा बाटो विस्तार गरेको हो ।’