शुक्रबार नेपालमा थप एक जना कोरोना संङक्रमित व्यक्ति भेटिएका छन् ।
भेरी अंचल अस्पताल, नेपालगन्जमा गरिएको परीक्षणका क्रममा १६ वर्षीय पुरुषमा संक्रमण देखिएको स्वास्थ्य मन्त्रालयले जनाएको छ।
नेपालगञ्जमा भेटिएका सक्रमितलाई खजुरास्थित सुशील कोइराला प्रखर क्यान्सर अस्पतालमा राखिएको छ।
स्वास्थ्य तथा जनसंख्या मन्त्रालयका प्रवक्ता डा विकास देवकोटाले पहिले देखिएका संक्रमितको कन्ट्याक्ट ट्रेसिङ गर्दा थप संक्रमित फेला परेको बताए।
आजसम्म नेपालमा कोरोना संक्रमित व्यक्तिको संख्या १ सय २ पुगेको छ । जसमध्ये ७४ जना पुरुष हुन् भने २८ जना महिला छन् । तीमध्ये केही नावालक पनि छन् ।
प्रदेश अन्तरगत सङक्रमित हेर्ने हो भने प्रदेश १ मा ३१ जना प्रदेश २ मा ३० जना बाग्मती प्रदेशमा ७ जना गण्डकी प्रदेशमा २ जना प्रदेश ५ मा २७ जना कर्णाली प्रदेशमा शुन्य र सुदुरपश्चिम प्रदेशमा ५ जना गरी जम्मा १ सय २ जना संक्रमित भेटिएका हुन् ।
