काठमाडौं : नेपाल कम्यूनिष्ट पार्टी (नेकपा)की सांसद रामकुमारी झाँक्रीले लकडाउनकै अवधिमा सिंहदरवारमा संसदीय समितिका बैठकहरु चलाइएकोमा असन्तुष्टि जनाएकी छन्।
सामाजिक सञ्जाल ट्विटरमा आफ्नो धारणा सार्वजनिक गर्दै सांसद झाँक्रीले लकडाउनको अवधिमा कुनै सावधानीबिना निर्वाध संसदीय समितिका बैठक चलाइएकोमा आपत्ति व्यक्त गरेकी हुन्।
‘एकाएक सिंहदरवारमा भिडभाड बढ्यो, विभिन्न जिल्लाबाट माननीयहरु आउनुभएको छ। यतिञ्जेल देशमा लकडाउन छ तर बिनाकुनै सावधानी, यसरी निर्वाध बैठक चलाउने हो भने, दुई कुरा मान्नुपर्यो,’ झाँक्रीले लेखेकी छन्, ‘एक यो देशमा सिंहदरवार आउनेलाई कोरोना लाग्दैन, दुई लकडाउन सर्वसाधारण जनतालाई मात्र हो।’
एकाएक सिंहदरवारमा भिडभाड बढ्यो।
विभिन्न जिल्लाबाट माननीयहरू आउनु भएको छ।यतिन्जेल देशमा लकडाउन पनि छ।तर बिना कुनै साबधानी, यसरी निर्वाध समितीका बैठक चलाउने हो भने, दुई कुरा मान्नुपर्यो
१)यो देशमा सिंहदरवार आउनेलाई कोरोना लाग्दैन।
२)लकडाउन सर्वसाधारण जनतालाई मात्र हो।— Ram kumari Jhakri (@Jhakri_didi) May 5, 2020
त्यस्तै राप्रपा नेपालका प्रेस संयाेजक माेहन श्रेष्ठले पनि बैशाख २६ गतेका लागि आव्हान गरिएको संघीय संसदको बैठकमा सहभागी हुन काठमाडौं बाहिरबाट आउने सांसदहरूलाई कम्तीमा १४ दिन अनिवार्य क्वारेन्टाइनमा राख्ने व्यवस्था गर्नुपर्नेमा जाेड दिएका छन् । उनले ट्वीटमार्फत भनेका छन् ,”कोरोना भाइरस जो कोहिलाई सर्न सक्छ, जो कोहीबाट सारिन सक्छ । यसले व्यक्तिको पद र हैसियत हेर्दैन” ।
यहि बैशाख २६ गतेका लागि आव्हान गरिएको संघीय संसदको बैठकमा सहभागी हुन काठमाडौं बाहिरबाट आउने सांसदहरूलाई कम्तीमा १४ दिन अनिवार्य क्वारेन्टाइनमा राख्ने व्यवस्था गरियोस् । कोरोना भाइरस जो कोहिलाई सर्न सक्छ, जो कोहीबाट सारिन सक्छ । यसले व्यक्तिको पद र हैसियत हेर्दैन ।
— Mohan Shrestha (@mohanrpp) May 5, 2020