इलाम : नेत्रविक्रम चन्द ‘विप्लव’ नेतृत्वको प्रतिबन्धित नेपाल कम्युनिष्ट पार्टीका इलाम जिल्ला इञ्चार्ज पुष्प कोइराला सहित अन्य २ जना कार्यकर्ता विस्फोटक पदार्थसहित पक्राउ परेका छन्।
कोइरालासँगै ताप्लेजुङ लिकुखोला घर भएका जनम भनिने २४ वर्षीय पासाङ शेर्पा र उदयपुरका सौरभ भनिने १९ वर्षीय पासाङ तामाङलाई पनि प्रहरीले नियन्त्रणमा लिएको छ।
ठुलो परिमाणमा विष्फोट पदार्थसहित इलामको माई नगरपालिका-९ बोरुङमा शसस्त्र प्रहरीसमेतको टोलीले विप्लव समूहका नेता/कार्यकर्तालाई पक्राउ गरेको हो। उनीहरुलाई नेपाल प्रहरीको विशेष सुराकीका आधार शसस्त्र प्रहरीसहितको टोलीले सोमबार राती ११ बजे पक्राउ गरेको हो ।
उनीहरुको साथबाट विष्फोटक पदार्थ डिटोनेटर १९ थान, प्रेसरकुकर बम १ थान, ग्रिनेड १ थान, टुकि बम १ थान, पाइपमा फिट गरिएको बम १ थान, डेथ कड ६७ फिट, बम बिष्फोटमा प्रयोग हुने मिटर र रिमोट ४ थान, विभिन्न प्रकारका बिष्फोटक पदार्थ, चक्कु तथा दस्तावेजहरु फेला पारिएको छ । पक्राउ परेका तिनै जनालाई अहिले जिल्ला प्रहरी कार्यालय इलाम इलामका प्रहरी उपरिक्षक हिराबहादुर पाण्डेले जानकारी दिए ।
पक्राउ परेका तिनै जनालाई अहिले जिल्ला प्रहरी कार्यालय इलाम ल्याई पुर्याइएको छ।
यता माइ नगरपालिका स्थानीय भने त्रसित भएका छन् । वेलुक ६ वजे तिर विप्लब कार्यक्रता गाउँ पसेको हल्ला आए पनि सामन्य जस्तो लागेको तर राती ११ वजे एक्कसी गोली चलेपछि भने डर लागेको वताउँछन् । द्वन्दकालमा समेत गोली नचलेको ठाउँमा गोली गलेको त्यही पनि देश लकडाउनमा रहेको वेला यस्तो हुँदा त्रास भएको स्थानीयको भनाई छ ।
