आजै (आइतबार) यसअघि नौ जना भेटिएको नेपालगञ्जमा थप ६ जनामा कोरोना पुष्टि भएको छ।
यो सहित आजै नेपालगञ्जमा १५ जना कोरोना संक्रमित भेटिएको स्वास्थ्य तथा जनसंख्या मन्त्रालयका सहप्रवक्ता डा. समिरमणि अधिकारीले प्रेस विज्ञप्ती जारी गर्दै पुष्टि गरेका छन् ।
यसअघि नेपालगन्जमा ९ र पर्सामा १ गरी १० जनामा कोरोना संक्रमण पुष्टि भएको थियो।
आज भेरी अस्पताल, नेपालगन्जको प्रयोगशालामा भएको परिक्षण अनुसार नयाँ पुष्टि भएका १६ वर्षदेखि ६० वर्ष उमेरसम्मका छन् । तीमध्ये पुरुष ३ जना छन् जसको उमेर क्रमस १६ २१ र ३४ रहेको छ भने ४०, ५५, र ६० वर्ष उमेरका ३ जना महिलाहरु हुन् ।
स्वास्थ्य तथा जनसङ्ख्या मन्त्रालयका प्रवक्ता डाक्टर विकास देवकोटाले नियमित पत्रकार सम्मेलनको क्रममा आज कोरोना पुष्टि भएका नेपालगञ्जका ९ जनामध्ये एक जना सात वर्षको बच्चा पनि रहेको जानकारी दिनुभयो । तर बालक वा बालिका भन्नेबारेमा भने उहाँले केही पनि खुलाउनु भएन ।
नेपालमा यति सानो उमेरमा कोरोना संक्रमण देखिएको यो पहिलोपटक हो ।
छुटाउनु भयो कि ?
यसअघि ६९ पुगेको संक्रमितको संख्या ६ जना थपिएसँगै ७५ पुगेको छ । पुराना संक्रमितको सम्पर्कमा गएका ९० जनाको स्वाब परीक्षण भएकाेमा दिउँसाे ९ जनामा पुष्टि भएकाे थियाे भने अहिले ६ जना थपिएका छन् ।
