कुवेतमा कोरोना संक्रमितको संख्या २७ हजार नाघेको छ ।
आइतबार बेलुका ९ बजेसम्मको तथ्यांक अनुसार कुवेतमा कोरोना संक्रमितको संख्या २७ हजार ४३ पुगेको हो ।
कुवेत सरकारको स्वास्थ्य मन्त्रालयले उपलव्ध गराएको तथ्यांकअनुसार पछिल्लो २४ घन्टामा ८ सय ५१ जना नयाँ संक्रमित फेला परेका छन् जसमध्ये ७ जनाले कोरोनाको कारण ज्यान गुमाएका छन् भने १ हजार २ सय ३० जना निको भएर घर फर्केका छन् ।
कुवेतमा संक्रमितको संख्या २७ हजार ४३ पुग्दा ११ हजार ३ सय ८६ जना निको भएर फर्केका छन् भने २ सय १२ जनाले ज्यान गुमाएका छन् । विभिन्न अस्पतालहरुमा १५ हजार ४ सय ४५ जनाको उपचार भैरहेको छ जसमध्ये २ सय जनाको अवस्था चिन्ताजनक रहेको बताइएको छ ।
कुवेत सरकारले संक्रमित व्यक्तिहरुको राष्ट्रियता सार्वजनिक नगर्ने भएकाले कति नेपालीहरु संक्रमित भएका छन् र कति निको भएका छन् भन्ने तथ्यांक पाउन सकिएको छैन ।
गैरआवासीय नेपाली संघ (एनआरएनए) ले मे ३० सम्म संकलन गरेको तथ्यांकअनुसार कुवेतमा कोरोनाको कारण २ जनाले ज्यान गुमाएको उल्लेख छ ।
र यो पनि पढ्नुहोस् :
कोरोना भाइरसबाट विश्वभर १ सय २८ नेपालीको मृत्यु, कुन देशमा कति ?