आइतबार (आज) नेपालमा कोरोना भाइरसका १६६ संक्रमित थपिएका छन् । यो हिजो र अस्तिको तुलनामा कम संख्या भएपछि निरन्तर बढिरहेको अनुपातकै हाराहारीको हो ।

विगत केही दिनदेखि ३ अंक (१०० देखि ९९९ सम्म) मा कोरोना भाइरस संक्रमितहरु भेटिन थालेका छन् ।

स्वास्थ्य तथा जनसंख्या मन्त्रालयका अनुसार थपिएका संक्रमितमध्ये १६२ पुरुष र ४ महिला छन् । योसँगै कुल संक्रमित संख्या १५६७ पुगेका छन् । जसमध्ये पुरुष १४५० र महिला ११७ जना छन् ।

स्वास्थ्य तथा जनसंख्या मन्त्रालयका प्रवक्ता डा. विकास देवकोटाले संक्रमित वृद्धि भइरहेकाले शतर्क हुन सबैमा सुझाव दिएका छन् । उनले आज थप दुई व्यक्तिको कोरोना भाइरसको संक्रमणबाट मृत्यु भएको पुष्टि गरे । जसमध्ये एकजना दैलेख घर भएका ३५ वर्षीय पुरुषको हिजा र बाजुराकी २ वर्षीया बालिकाको आज निधन भएको हो ।

हेर्नुहोस आज भेटिएका संक्रमितको विवरण