ललितपुर, १७ जेठ । रगत भमिट गरी अस्पताल लगिएका महानगरी प्रहरी प्रभाग लुभुका इञ्चार्ज टेकबहादुर माझीको मृत्यु भएको छ ।
हिजो अपरान्ह कार्यकक्षमै ढलेर रगत भोमिट गरेका उनलाई आकस्मिक रुपमा अल्का अस्पताल लगिएको थियो ।
सई माझीको आज विहान अस्पतालमै मृत्यु भएको महानगरीय प्रहरी परिसर ललितपुरका एसपी तुलबहादुर कार्कीले पुष्टि गरे ।
कार्कीका अनुसार माझीलाई गम्भीर अवस्थामा अस्पताल लगिएको थियो ।
टाउकोमा रगत जमेको पत्ता लागेपछि उनको रातिनै शल्यक्रिया गरिएको थियो ।
शल्यक्रियापछि पनि उनलाई बचाउन नसकिएको बुझिएको छ ।
राति नै आकस्मिक रुपमा शल्यक्रिया गरिएको बुझिएको छ ।
माझी दुई महिना अघि मात्र लुभुमा इञ्चार्जका रुपमा पठाइएका थिए ।
उनी क्षमतावान प्रहरीका रुपमा परिचित थिए ।
कार्यक्षेत्रमा निकै खटिने र इमान्दार प्रहरी भएकाले ललितपुरका इञ्चार्ज एसएसपी टेकबहादुर राईले खटाएका थिए ।
उनको आत्माको चिरशान्तिको कामना गर्दै परिवारजनमा धैर्यधारण गर्ने शक्त्ति मिलोस । हार्दिक श्रद्धाञ्जली
