काठमाडौंको नागपोखरीमा रहेको मेरियट होटलमा कार दुर्घटना भएको छ ।
लकडाउनको समयमा पनि सञ्चालन भैरहेको तारे होटल मेरियटको गेट भत्काउँदै एक नीजि कार दुर्घटनामा परेको छ । उक्त दुर्घटनाको बारेमा विस्तृत खबर आउन बाँकी छ ।
एमएस ग्रुपले बनाएको उक्त होटल केही समयदेखि विवादित बन्दै गएको छ ।
समाजवादी पार्टीका सांसद डाक्टर सुरेन्द्र यादवलाई जनकपुरबाट बन्धक बनाएर यही होटलमा राखिएको थियो भने केही दिन अगाडी नेकपाका एक नेताले पूर्व भारतीय राजदुत श्यामसंकर लकडाउनको बेला मेरियट होटलमा रहेको खुलासा गरेका थिए ।
यस्तो कडा लकडाउनका बेला पनि श्यामशरण कसरी काठमाडौं आउन सक्छन् भन्ने प्रश्न पनि धेरै उठे । भारतीय दूतावासकै कर्मचारी श्यामशरण काठमाडौंमा आएको भन्ने विषयमा अनभिज्ञ थिए ।
स्रोतका अनु्सार भारतले नेपालबाट चार दिनअघि १६४ जना आफ्ना नागरिक लैजान विमान काठमाडौं पठाएको थियो । सोही विमानमा श्यामशरण आएको बताइन्छ । काठमाडौं आइपुगेका श्यामशरण होटल मेरियटमा बसेको र जनता समाजवादी पार्टीका संयोजक महन्थ ठाकुरलाई भेटेका थिए । उनी मंगलबार अपराह्न ५ बजेर ४५ मिनेटमा मुम्बई उडेको विमानबाट भारत फर्केको स्रोतले बतायो ।
