काठमाडौंस्थित भारतीय राजदूतावासले आफ्ना नागरिकलाई फर्काउन बसको व्यवस्था गरेको छ।
लकडाउनका कारण अलपत्र परेका आफ्ना नागरिकलाई फर्काउन बसको व्यवस्था गरेको हो।
‘काठमाडौंलगायत विभिन्न स्थानमा अड्किएका आफ्ना नागरिकहरूलाई लैजान आएका बस काठमाडौं पुगेका छन्,’ महानगरीय प्रहरी परिसर काठमाडौंका प्रवक्ता तथा डिएसपी राजकुमार केसीले भने।
उनका अनुसार आफ्ना नागरिकलाई घर फर्काउन भारतीय दूतावासले गृह मन्त्रालयसँग अनुमति मागेको छ।
‘आजदेखि नै जान थालेको छन्,’ उनले भने,’कति संख्यामा लैजान लागेको भन्ने खुलेको छैन।’
गत बैशाख २५ गते भारतबाट अमेरिका, फिलिपिन्स, सिंगापुर, बंगलादेश, युएई, युके, साउदी अरेबिया, कतार, सिंगापुर, फिलिप्पीन्स, ओमान, बहरेन र कुवेतकाबाट आफ्ना नागरिकहरु फिर्ता ल्याउन उडान भरेको थियो ।
कोरोना भाइरसको कारणले गर्दा विदेशमा अलपत्र परेका आफ्ना हजारौं नागरिकहरूलाई भारतले बैशाख २५ गते बिहीबार देखि विश्वको सबैभन्दा ठूलो निकासी अभियान शुरू गरेर हवाई र समुद्री मार्ग मार्फत फिर्ता ल्याएको थियो । विश्वभर छरिएर रहेका तीन लाख भन्दा बढी भारतीयहरूले सरकारले हवाइ र जलमार्गबाट उद्दार गरेको थियो । पढ्नुहोस् यसबारे दीप बहादुर बडुवालले लेखेको यो आलेख
भारतले आफ्ना नागरिकहरुलाई स्वदेश ल्याइसक्यो, नेपाल सरकारले कहिले ल्याउने ?