रसियाका राष्ट्रपति भ्लादिमिर पुटिनले रसियामा कोरोनाभाइरसको संक्रमण उच्चतम विन्दुमा पुगिसकेको मंगलबार घोषणा गरेका छन् ।
राष्ट्रपति पुटिनले विज्ञहरुको भनाईमा रसियामा कोरोनाभाइरस संक्रमणले उच्चतम विन्दु पार गरेको बताउनु भएको रसियाली रक्षामन्त्री सर्गेइ सोइगुले जानकारी दिएका हुन् ।
रसियाली स्वास्थ्य मन्त्रालयको पछिल्लो विवरण अनुसार रसियामा कोरोना संक्रमितको संख्या ३ लाख ६२ हजार ३ सय ४२ पुगेको छ भने ३ हजार ८ सय भन्दा बढी व्यक्तिको ज्यान गएको छ ।
अहिलेसम्म १ लाख ३१ हजार १ सय २९ जना निको भएर फर्केका छन् भने २ लाख २७ हजार ४ सय ७ जना विभिन्न असपतालमा उपचार गराइरहेका छन् तीमध्ये २ हजार ३ सय अवस्था नाजुक रहेको छ ।
विश्वभर कोरोना संक्रमितको संख्या ५६ लाख ८८ हजार नाघेको छ भने मृत्यु भएका व्यक्तिहरुको संख्या पनि ३ लाख ५२ हजारभन्दा बढी भइसकेको छ भने २४ लाख ३१ हजार भन्दा बढी सङक्रमितहरु निको भएर घर फर्केका छन् ।
