नेपाल कम्युनिष्ट पार्टी (नेकपा) नेता भीम रावलले पश्चिम रुकुममा भएको घटनाको निष्पक्ष छानबिन गर्न माग गरेका छन् ।
जाजरकोटको भेरी नगरपालिका–४ रानागाउँका २१ वर्षीय नवराज विकलाई पश्चिमरुकुमको चौरजहारी नगरपालिका–८ सोतीकी १७ वर्षीया मल्ल थरकी युवतीसँग प्रेम गरेको भन्दै युवतीका आफन्तले हत्या गरेका थिए ।
नेता रावलले प्रेम विवाहको प्रयासका सिलसिलामा घटित घटना निन्दनीय भएको बताएका छन् ।
‘यसको निष्पक्ष छानबीन र अनुसन्धान गरी दोषीलाई कारबाही हुनुपर्छ । राज्यले पीडित परिवारलाई उचित राहत र संरक्षण दिनुपर्छ’, उनले भनेका छन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
