प्रधानमन्त्री केपी शर्मा ओलीले लकडाउन अझै केही समय लम्बिने गरेका छन् ।
राष्ट्रका नाममा आज सम्बोधन गर्दै उनले लकडाउनले गर्दा रोग नफैलिएको र संक्रमित खोज्न सजिलो भएको बताए ।
त्यसैले यो महामारीबाट बच्न लकडाउन नै सही तरिका भएको बताए ।
त्यस्तै यो महामारीबाट बाहिर निस्कनका लागि सरकारले आवश्यक तयारी गरिरहेको उनले बताए ।
उनले रोग र भोकबाट जनतालाई जोगाउन सरकार प्रतिबद्ध रहेको समेत उनले बताए ।
महामारीका सामना गर्न सबै सरकारी निकाय तयारी अवस्थामा रहेको उनले सम्बोधनमा उल्लेख गरे । क्वारेन्टिन थप व्यवस्थित बनाउँदै लैजाने पनि उनको भनाइ छ ।
नेपालले ६२ दिनदेखि बन्दाबन्दी कोरोनाविरुद्ध लडिरहेको उनले बताए । उनले भने, “हामीले अझै केही समय लड्नुपर्ने देखिएको छ ।”
सरकार नागरिकप्रति संवेदनशील रहेको बताएका छन् । सरकारले परीक्षणको दायरा बढाउने क्रममा पहिले एक प्रयोगशालाबाट अहिले २० वटा विस्तार गरेको उनको भनाइ छ ।
जनस्तरमा पारस्परिक सहयोगमा मात्रै कोरोनालाई जित्न सकिने उनको भनाइ छ । उनले भने , “यो सङ्क्रमण अझै केही समय रहने हुँदा अहिले सबै मिलेर लाग्दा मात्रै यो महामारीलाई जित्न सकिन्छ ।”