अमेरिकामा लकडाउन खुलेपछि संक्रमितको संख्या ह्वात्तै बढ्यो: सैलुनका एक कर्मचारीबाट ९१ जना संक्रमित

अमेरिकामा लकडाउन खोलिएपछि कोरोना संक्रमणको जोखिम बढिरहेको छ । मिसौरीको सैलुनका एक संक्रमितबाट ९१ जनामा कोरोना फैलिएको छ । यीमध्ये ८७ जना ग्राहक छन् भने ७ जना सैलुनका कर्मचारी रहेका छन् । जुन कर्मचारीबाट संक्रमण फैलियो, ती व्यक्ति लकडाउन खोलिएको ८ दिनसम्म कोरोनाको लक्षण देखिँदासमेत काममा आएको मिसौरीका स्वास्थ्य अधिकारीले सीएनएनलाईजानकारी दिए ।

मिसौरीमा ४ मे देखि सैलुन खोलिएका थिए । यहाँ हालसम्म कोरोनाका ११ हजार ७ सय ५२ संक्रमित फेला परेका छन् भने ६७६ को मृत्यु भएको छ । मिसौरीमा राष्ट्रपति डोनल्ड ट्रम्पको रिपब्लिकम पार्टीका नेता माइक पार्सन गर्भनर हुन् ।

पास्ता कारखानामा २२ कर्मचारी संक्रमितः

उता वासिङ्टनको स्पोकन शहरको एउटा पास्ता कारखानामा २२ कर्मचारी संक्रमित भेटिएका छन् । डेमोक्रेटिक पार्टीका नेता जे इंसली वासिङ्टनका गभर्नर हुन् । इंसलीले लकडाउन खोल्न हतार गरेको भन्दै ट्रम्पको आलोचना गरिसकेका छन् । वासिङ्टनमा आंशिक लकडाउन छ । यस अनुरुप केही खाद्य उद्योग खोलिएका छन् ।

वासिङ्टनमा सैलुन, जिम जून १ तारिखदेखि खुल्ला हुनेछन् । यहाँ हालसम्म २० हजार ३९५ संक्रमित भेटिएका छन् जबकि १ हजार ७६ को मृत्यु भएको छ । अमेरिकाका सबै ५० राज्यले भिन्न भिन्न समयमा लकडाउन खोलेको थियो ।

अन्तिम पटक अध्यावधिक गरिएको: शुक्रवार, जेठ २३ २०७७ ११:२४:१०
#
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।

प्रतिक्रिया दिनुहोस

सम्वन्धित समाचार

सबै