नेपालमा कोरोना भाइरसबाट संक्रमित हुनेको संख्या शुक्रबार बेलुकासम्म ५०७ पुगेको छ ।

संक्रमितको संख्या ५०७ पुग्दा पुरुषको संख्या ४३३ छ भने महिलाको संख्या ७४ छ । अहिलेसम्म संक्रमित जिल्लाको संख्या ४० पुगेको छ । आज डडेलधुरा र बैतडीमा नयाँ संक्रमित भेटिएसँगै संख्या ४० पुगेको हो ।

पछिल्लो तथ्यांक अनुसार सबैभन्दा धेरै बाँके जिल्ला ११५ (एकजनाले ज्यान गएको जोड्दा ११६) छन् भने पर्सामा ९१, कपिलवस्तुमा ६९, झापामा ३५, उदयपुरमा ३३, रुपन्देहिमा २९ रौतहटमा २२ सर्लाहीमा २० र काठमाडौंमा ११ जना संक्रमित भेटिएका हुन् ।

त्यस्तै धनुषामा ९ जना, धनकुटा र कैलालीमा ७-७ जना संक्रमित फेला परेका छन् भने नवलपरासी (पश्चिम) मा ६ जना ।

चितवन मोरङमा ५-५ जना भेटिएका छन् ।

दाङ र बारा जिल्लामा ४-४ जना संक्रमित फेला परेका छन् ।

महोत्तरी, धादिङ्ग, भक्तपुर र सुनसरीमा ३-३ जना संक्रमित भेटिएका छन् ।

बाग्लुङ, बर्दिया,नवलपरासी (पूर्व) र मकवानपुरमा २-२ जना संक्रमित भेटिएका छन् ।

१ जनामा संक्रमित भेटिएको जिल्लाको संख्या १५ पुगेको छ । जसमा भोजपुर, कञ्चनपुर, सप्तरी, सिराहा, काभ्रे, सिन्धुपाल्चोक, गुल्मि, खोटाङ्ग, दैलेख, ललितपुर, रामेछाप, सिन्धुली लमजुङ्ग, डडेलधुरा र बैतडी रहेका छन् ।

आज बाँकेका पहिलो संक्रमित सहित २१ जना निको भएर फर्केसँगै ७० जनाले यो रोगविरुद्धको लडाइ जितेका छन् ।

तलको तालिकाबाट हेर्नुहोस कुन जिल्लामा कति संक्रमित