नेपालमा कोरोना भाइरसबाट संक्रमित हुनेको संख्या शुक्रबार बिहानसम्म ४८६ पुगेको छ ।

स्वास्थ्य तथा जनसंख्या मन्त्रालयले संक्रमितको संख्या ४८७ पुगेको बताएपनि संख्या ४८६ पुगेको हो ।

हिजो स्वास्थ्य तथा जनसंख्या मन्त्रालयका प्रवक्ता डा. विकास देवकोटाले नियमित गरिने प्रेस ब्रिफिङमा संक्रमितको संख्या ४५३ पुगेको बताएका थिए त्यसपछि साँझमा आएको विज्ञप्तीअनुसार थप ३ जना थपिएपछि जम्मा संक्रमित संख्या ४५६ हुनुपर्नेमा भुलवस ४५७ हुन पुगेको छ । सोही गल्ति आज पनि दोहोरिएर ३० जना संक्रमित थपिँदा ४५७ बाट नै गणना गरेर ४८७ पुर्याएको छ ।

सो गल्तिको बारेमा केटिएम दैनिकले स्वास्थ्य तथा जनसंख्या मन्त्रालयका प्रवक्ता डा. विकास देवकोटालाई जानकारी गराइसकेको छ । आशा छ आजको प्रेस ब्रिफिङ्गमा यसको बारेमा प्रवक्ताले स्पष्ट पार्नेछन् ।

पछिल्लो तथ्यांक अनुसार सबैभन्दा धेरै बाँके जिल्ला १०१ (एकजनाले ज्यान गएको जोड्दा १०२) छन् भने पर्सामा ९१, कपिलवस्तुमा ६९, झापामा ३५, उदयपुरमा ३३, रुपन्देहिमा २९ रौतहटमा २२ सर्लाहीमा १९ र काठमाडौंमा ११ जना संक्रमित भेटिएका हुन् ।

त्यस्तै धनुषामा ९ जना र धनकुटामा ७ जना संक्रमित फेला परेका छन् ।

चितवन र नवलपरासी (पश्चिम) मा ५-५ जना भेटिएका छन् ।

कैलाली, दाङ, बारा, र मोरङ्गमा ४-४ जना, चितवन, महोत्तरी, धादिङ्ग, भक्तपुर, सुनसरी र नवलपरासी (पूर्व) मा ३-३ जना संक्रमित भेटिएका छन् ।

बाग्लुङ, बर्दिया, मकवानपुरमा २-२ जना संक्रमित भेटिएका छन् ।

१ जनामा संक्रमित भेटिएको जिल्लाको संख्या १३ पुगेको छ । जसमा भोजपुर, कञ्चनपुर, सप्तरी, सिराहा, काभ्रे, सिन्धुपाल्चोक, गुल्मि, खोटाङ्ग, दैलेख, ललितपुर, रामेछाप, सिन्धुली र लमजुङ्ग रहेका छन् ।

आज बिहान राष्ट्रिय समाचार समितिले बाँकेका पहिलो संक्रमितसहित २१ जना निको भएर फर्केको समाचार प्रशारण गरेतापनि स्वास्थ्य तथा जनसंख्या मन्त्रालयले सो संख्या पुष्टि नगरेको हुनाले तलको तालिकामा उक्त संख्या समावेश गरिएको छैन ।

हेर्नुहोस कुन जिल्लामा कति संक्रमित