विश्वभर कोरोना भाइरसबाट संक्रमित हुनेको संख्या ५१ लाख १५ हजार नाघेको छ ।
संक्रमणबाट ३ लाख ३० हजारभन्दा बढीको मृत्यु भएको छ ।
अमेरिकामा मात्रै कोरोना संक्रमणबाट मृत्यु हुनेको संख्या ९४ हजार ९ सय नाघेको छ ।
अमेरिकामा १५ लाख ९३ हजारभन्दा बढी संक्रमित भइसकेका छन् । पछिल्लो समय रुसमा संक्रमण दर तीब्र रुपले बढेको छ ।
रुसमा संक्रमितको संख्या तीन लाख १७ हजार नाघेको छ भने तीन हजार ३३ जनाले ज्यान गुमाइसकेका छन् ।
ब्राजिलमा पनि संक्रमण तीव्र रुपमा फैलिएको छ । त्यहाँ संक्रमितको संख्या २ लाख ९१ हजार नाघेको छ भने १८ हजार ८ सयभन्दा बढीले ज्यान गुमाइसकेका छन् ।
यता भारतमा एशियामै सर्वाधिक संख्यामा कोरोना संक्रमित भेटिएका छन् । त्यहाँ संक्रमितको संख्या एक लाख १२ हजार नाघेको छ भने ३ हजार ४ सय ३४ जनाले ज्यान गुमाएका छन् ।
पाकिस्तानमा पनि संक्रमितको संख्या ४५ हजार ८ सय नाघेको छ । बेलायत, स्पेन, इटाली, फ्रान्स लगायतका युरोपेली मुलुकमा भने संक्रमण र मृत्यु दर घटेको छ ।
संक्रमणबाट हालसम्म बेलायतमा ३५ हजार ७ सय, इटलीमा ३२ हजार ३ सय, स्पेनमा २७ हजार ८ सय र फ्रान्समा २८ हजारभन्दा बढीले ज्यान गुमाएका छन् ।
विश्वभर २० लाख २० हजारभन्दा बढी संक्रमित उपचारपछि निको भएर घर फर्किएका छन् ।
नेपालमा कोरोना भाइरसबाट संक्रमित हुनेको संख्या बिहिबार दिउँसोसम्म ४५३ पुगेको छ ।
जसमा ३८३ जना पुरुष छन् भने ७० जना महिला छन् । तीमध्ये केही नाबालक पनि छन् ।
प्रदेश १ मा संक्रमितको संख्या ८४ जना, प्रदेश २ मा १३६ जना, बाग्मति प्रदेशमा २६ जना गण्डकी प्रदेशमा ४ जना, प्रदेश ५ मा १९६ जना कर्णाली प्रदेशमा १ जना र सुदुरपश्चिम प्रदेशमा ५ जना संक्रमित रहेका छन् । अहिलेसम्म ३८ जिल्लामा संक्रमण फैलिएको छ ।
आज काठमाडौंको टेकु अस्पतालबाट ४ जना संक्रमित निको भएर फर्केसँगै यो रोगविरुद्धको लडाइमा जित हाँसिल गर्नेको संख्या ४९ पुगेको छ ।
बुटलबलमा उपचार गराइरहेका गुल्मिका एकजना संक्रमितको निधन भएसँगै नेपालमा कोरोना भाइरसबाट निधन हुने व्यक्तिको संख्या ३ पुगेको छ ।