अभिनेता इरफान खानको निधन भएतापनि उनै कलाकारको मुख्य अभिनय रहेको र दोहोराएर हेर्दा समेत मज्जा लाग्ने र जसले निकै नै लुकेको भाव दर्साउने तिन हिन्दी चलचित्रको बारेमा चर्चा गरेका छाै ।
हिंदी मिडियम
२०१७ मा रिलिज भएको यो चलचित्र कमेडी ड्रामा चलचित्र हो । यस फिल्मका निर्देशक तथा लेखक सकेट चाैधरी हुन । चलचित्रमा दिल्लीमा बस्ने राज बत्रा (इरफान) र उनको श्रिमती मिता (सबा कमार) ले आफ्नो छोरी पिया (दिशिता सेगल) लाई प्रतिष्ठीत अँग्रेजी मिडियम विधालयमा भर्ना गर्ने क्रममा गरेको संघर्ष देखाइएको छ । उनिहरूको कारण ५ वर्षिय छोरीको भर्नामा अवरोध आएपछि गरिब कोटाबाट भर्ना गर्नका लागी उनिहरूको संघर्ष र त्यसले निम्त्याएको परिणाम चलचित्रमा हेर्न लागक छ । बक्स अफिसमा समेत कमाल गरेको यस चलचित्र पुनः दोहोराएर हेर्दा पनि उत्तिकै मज्जा लाग्छ ।
पिकु
२०१५ मा रिलिज भएको यस चलचित्रमा पनि कमेडि ड्रामा चलचित्र नै हो । यस चलचित्रका निर्देशक सुजित सिरकार हुन भने लेखक जुही चतुरवेदी हुन । यसमा इरफान सहित अभिताव बच्चन र दिपीका पादुकोणको भुमिका रहेको छ । यस चलचित्रमा छिटो रिसाउने स्वभावको पिकु बेर्नजी (दिपीका), चिंढीने बुढो बुवा भास्कोर (अमिताव) र ट्याक्सी व्यापारका संचालक राना चाैधरी (इरफान) को दिल्लीबाट कलकत्ता सम्मको यात्रा र त्यसपछि उनिहरूको जिवनमा आएको नयाँ मोडहरूको वरिपरी कथा घुमेको छ । कुनै पनि कुरालाई हामीले नजिकबाट नियाले यसको महत्व बुझ्ने चलचित्रमा दर्साइएको छ । यिनै कारणले चलचित्र दोहोराएर हेर्दा यसको भावमा अझ डुब्दै गइन्छ ।
द लन्चबक्स
२०१३ मा रिलिज भएको यस चलचित्र रोमान्टिक चलचित्र हो । यस चलचित्रको निर्देशक तथा लेखक रितेश बत्रा हुन । यसमा इरफानको साथमा नवाजुद्दीन सिद्दीकीको समेत अभिनय रहेको छ । यस चलचित्रमा इला (निमरत कार) ले अफिसमा काम गर्ने आफ्नो श्रिमानलाई पठाएको विहानको खाना मुम्बइको चर्चित डब्बावालाहरूले झुक्कीएर साजन फर्नान्डिस (इरफान) कोमा पुर्याएपछिको समस्या र विस्तारै उनिहरूमा टुँसाएको प्रेमभाव, प्रेममा देखिने समस्याहरूको चित्रण निकै नै मिठो तरिकाले देखाइएको छ । सपना देख्न सिकाउने यस चलचित्रमा प्रेमको उच्चतम नमुना हेर्न पुन चलचित्र दोहोराएर हेर्न मन लाग्छ ।