रहस्यमय मुलुक मानिएको उत्तर कोरियाको शक्तिशाली मानिएका शासक किम जोङ उनको बारेमा अझै पनि ठोस खबर बाहिर आउन सकेको छैन । विश्वभरका शक्ति मुलुक र सञ्चार माध्यमहरुले समेत उनको स्वास्थ्य अवस्थाको रहस्य बारे तथ्य कुरा पत्ता लगाउन सकिरहेका छैनन् ।
पुनः पछिल्लो पटक आएको खबर अनुसार उन जीवितै रहेको दावी गरिएको छ । एक उच्च प्रोफाइल भएका उत्तर कोरियाली डिफेक्टर र पूर्व कूटनीतिज्ञले उन जीवितै रहेको दाबी गरेका छन् । तर उनी हिड्न र उभिन भने नसक्ने अवस्थामा रहेको जनाइएको छ ।
केही सञ्चार माध्यमहरुले किमको मृत्यु भइसकेको खबर दिएको थियो । उनको एक सिसाको कफिन (शव राख्ने बाकस) मा उनको शव रहेको दाबी गर्ने एक तस्वीरलाई पनि निकै भाइरल बनाइएको थियो । केहीले उक्त तस्वीर फेक रहेको र फोटोसपमा इडिट गरेर बनाइएको अनुमान लगाइएको थियो । जुन अनुमान आज सत्य प्रमाणित भएको छ ।
दक्षिण कोरियाले पनि किम जोङ उन जीवित नै रहेको बताएको थियो। तर पनि उनीबारे ठोस प्रमाण नआएको जनाइएको थियो । तर किम जीवित नै रहेको कोरियाका कुटनीतिज्ञहरु र कोरियाका सञ्चार माध्यमले प्रमाणित नै गरेको छ ।
किमको गत अप्रिल १२ मा मुटुको शल्यक्रिया गरेको थियो । त्यसैले उनी उनका दिवंगत हजुरबाबाको जन्मजयन्ती समारोह (अप्रिल १५) मा समेत अनुपस्थित थिए । सोही कारण उनीबारे अनेक अड्कल बाहिरिएको थियो ।
चिनबाट उनको उपचारको लागि विशेषज्ञ डाक्टर उत्तर कोरिया पुगेको समेत खबर बाहिरिएको थियो । तर पूरा संसारबाट भिन्नै रहेको देश उत्तर कोरियाको कोरियाको शक्तिशाली मानिएका शासक किम जोङ उनको वास्तविकता भने अहिलेसम्म सार्वजनिक भएको छैन । सामाजिक सञ्जालमा मानिसहरु ठट्टा गर्दै भन्छन् “अब किम आफैले म जिउँदै छु भनेर नभनेसम्म मानिसहरुले पत्याउँदैनन्” ।